सुर्खेतमा बस दुर्घटना हुँदा २ जनाको मृत्यु

सुर्खेत-  सुर्खेतको वीरेन्द्रनगर नगरपालिका – ७ को कटकुवा नजिकै बस दुर्घटना हुँदा २ जनाको मृत्यु भएको छ । सोमबार दिउँसो  कर्णाली प्रदेश ००१ ख ०८५२ नम्बरको मिनी बस दुर्घटनामा परेकाे हाे ।

दैलेखबाट सुर्खेत आउँदै गरेको मिनी बस दुर्घटनामा कम्तिमा १५ जना घाइते भएका जिल्ला प्रहरी कार्यालय सुर्खेतका प्रवक्ता डीएसपी बीरेन्द्रविर विश्वकर्माले बताए ।  उनका अनुसार घाइतेलाई उद्दार गरेर अस्पताल पुर्‍‍याइएको छ ।

घटनाबारे थप विवरण आउन बाँकी रहेको प्रहरीले जनाएको छ ।