६ किलो चरेशसहित आशा राई पक्राउ
कागजपत्र |
बर्दिया- ६ किलो चरेशजस्तो पदार्थसहित एक महिला पक्राउ परेकी छिन् । बर्दियाको बढैयाताल गाँउपालिका– २ स्थित सीमा इलाकाबाट करिब ६ किलो चरेशजस्तो पदार्थसहित ४५ वर्षीया आशा राईलाई चैत सोमबार नियन्त्रणमा लिइएको सशस्त्र प्रहरीले जानकारी दिएको छ ।
दाङको लमही नगरपालिका- १ बस्ने राईलाई उक्त पदार्थ बोकेर नेपालबाट भारततर्फ जाँदै गरेको अवस्थामा बोर्डर आउट पोस्ट (बीओपी) फुटाहा बर्दियाले नियन्त्रणमा लिएको हो ।
१२ वटा ठूलो प्याकेटभित्र ससाना २२ वटा प्याकेट बनाई शरीरमा बाँधेर भारततर्फ जाँदै गर्दा शंका लागेर चेकजाँच गरिएको जनाइएको छ ।
उनलाई बरामद चरेशसहित आवश्यक कारबाहीको लागि स्थानीय प्रहरीमा बुझाइएको छ ।
