होटल स्क्वायरका प्रबन्ध निर्देशक रोमी अर्याल पक्राउ
कागजपत्र |
काठमाडौं- स्विमिङ पुलमा पौडी खेल्दा ग्राहकलाई करेन्ट लागेको घटनामा ललितपुरको होटल स्क्वायरका प्रबन्ध निर्देशक रोमी अर्याल पक्राउ परेकी छन् । सोमबार उनलाई नियन्त्रणमा लिइएको जिल्ला प्रहरी परिसर ललितपुरका एसएसपी शेखर खनालले बताए ।
यसअघि होटलकी अर्की सञ्चालिका ललिता भण्डारी देवकोटाले माघ ७ मा प्रहरीमा आत्मसमर्पण गरेकी थिइन् ।
गत भदौ १५ गते जावलाखेलका ४१ वर्षीय सजिलमान शाक्य स्क्वायर होटलमा स्वीमिङ गर्न जाँदा करेन्ट लागेर गम्भीर घाइते भएका थिए । शाक्यले स्वीमिङ पुल छेउको स्पट लाइटमा छुँदा करेन्ट लागेको थियो ।
परिवारले होटलका दुई जना सञ्चालकविरूद्ध जाहेरी दिएका थिए ।
