बर्दियामा नदीमा डुबेर महिलाको मृत्यु

बर्दिया – बर्दियाको भादा नदीमा डुबेर एक महिलाको मृत्यु भएको छ ।

जिल्लाको गुलरिया नगरपालिका वडा नं. १० लटकनियाघाटस्थित भादा नदीमा (सोमबार) मध्यान्ह साढे ११ बजेतिर एक महिला डुबेको सूचना पाउनासाथ तत्काल उद्धारका लागि खटिएको टोलीले अन्दाजी ५० वर्षीया महिलाको शव फेला पारेको हो ।

ती महिला भारतको निशानगाडा भन्ने ठाउँको रहेको, निजको मानसिक सन्तुलन ठिक नरहेको जनाइएको छ । प्रहरीले घटनासम्बन्धमा थप अनुसन्धान सुरु गरिसकेको पनि जनाइएको छ ।