प्रदेश १ को मुख्यमन्त्रीमा हिक्मतकुमार कार्की नियुक्त
कागजपत्र |
विराटनगर – प्रदेश १ को मुख्यमन्त्रीमा नेकपा एमालेका नेता हिक्मतकुमार कार्की नियुक्त भएका छन् । उनलाई प्रदेश प्रमुख परशुराम खापुङले संविधानको धारा १६८ (२) अनुसार मुख्यमन्त्रीमा नियुक्त गरेका हुन् ।
झापा क्षेत्र नम्बर ५(१) बाट प्रदेशसभा सदस्यमा दोस्रो पटक निर्वाचित कार्कीले मंसिर ४ गते सम्पन्न आम निर्वाचनमा कुनैपनि पार्टीले एकल बहुमत नपाएपछि नेकपा माओवादी केन्द्र, राप्रपा र जनता समाजवादी पार्टीको समर्थनमा मुख्यमन्त्रीको दावी पेस गरेका थिए ।
प्रदेश प्रमुख परशुराम खापुङले आइतबार बेलुका ५ बजेसम्म मुख्यमन्त्रीमा दावी पेस गर्न आह्वान गरेका थिए । उक्त समयावधिभित्र कार्कीले प्रदेश प्रमुखसमक्ष मुख्यमन्त्री पदमा दाबी पेस गर्न लागेका हुन् । नेता कार्कीलाई चार पार्टीका ६० सांसदको समर्थन छ र।
