सत्ता साझेदार शीर्ष नेताको बैठक सुरु
कागजपत्र |
काठमाडौं – बालुवाटारमा सत्ता साझेदार दलहरूको बैठक सुरु भएको छ ।
शक्ति बाडफाँटका साथै मन्त्रालयको भागबण्डा लगायतका विषयमा बैठकमा छलफल हुने छ । आजको बैठकमा सत्ताका साझेदार गरेको राप्रपा र नागरिक उन्मुक्ति पार्टी सरकारमा जाने नजाने विषयमा टुंगो लगाई मन्त्रालय भागबन्डाको निर्णय हुने स्रोतले जनाएको छ ।
बैठकमा साझेदार दलका शीर्ष नेताहरु सहभागी छन् । माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री नियुक्त भए पनि मन्त्रिमण्डलले पूर्णता पाउन सकेको छैन ।
अहिलेसम्म एमालेबाट ४ माओवादीबाट १ र स्वतन्त्र पार्टीबाट एक जना मन्त्री नियुक्त भएका छन् ।
शक्ति बाँडफाँटसँगै राप्रपालगायतका दलहरूलाई सरकारमा सहभागी गराउने विषयमा पनि बैठकमा छलफल हुनेछ । राप्रपा, नागरिक उन्मुक्ति र जसपाले पार्टीहरूले सरकारमा सहभागी हुन विभिन्न सर्तहरू अगाडि सारेका छन् ।
