विदेशी यात्रुहरूसँग पर्यटन बोर्डले लिने सेवा शुल्क खारेज हुने
कागजपत्र |
काठमाडौँ – नेपाल पर्यटन बोर्डले विदेशी यात्रुहरूसँग उठाउँदै आइरहेको पर्यटन सेवा शुल्क खारेज हुने भएको छ ।
नागरिक उड्डयन प्राधिकरण (क्यान)ले नेपालबाट विदेश उड्ने पर्यटकसँग टिकटमै जोडेर उठाउने सेवा शुल्क हटाउन अन्तर्राष्ट्रिय हवाई यातायात सङ्गठन ९आइटा०लाई पत्राचार गर्ने भएको छ ।
पर्यटन बोर्डले नेपालबाट बाहिरिने विदेशी नागरिकसँग हवाई टिकटमै जोडेर एक हजार रुपैयाँ उठाउँदै आइरहेको छ ।
आइटाले पर्यटन सेवा शुल्कको कोड हटाएपछि बोर्डले विदेशी यात्रुसँग पर्यटन सेवा शुल्कबापत पैसा उठाउन नपाउने भएको हो । ‘बोर्डले पर्यटकसँग सेवा शुल्क उठाउन पाउने व्यवस्था कतै छैन, यत्तिकै सेवा शुल्कका नाममा विदेशी पर्यटकलाई अतिरिक्त भार थप्न पाइँदैन,’ क्यानका प्रवक्ता जगन्नाथ निरौलाले भने, ‘पर्यटन सेवा शुल्कको कोड हटाउन पत्राचार गर्ने तयारी भइरहेको छ ।’ अबको एक महिनाभित्र कोड हटिसक्ने र विदेशी हवाई यात्रुले बोर्डलाई पैसा तिर्नैपर्ने बाध्यताबाट उन्मुक्ति पाउने उनको भनाइ छ ।
पर्यटन बोर्डले विदेशी पर्यटकसँग चर्को सेवा शुल्क उठाएको भन्दै अन्तर्राष्ट्रिय नागरिक उड्डयन सङ्गठन ९आइकाओ०ले पनि प्रश्न उठाएको छ । पर्यटन सेवा शुल्क बोर्डको मुख्य आम्दानी बन्दै आइरहेको छ ।
‘नियममा नभएको शुल्क आफूखुसी कार्यविधि बनाएर उठाउन पाइँदैन भन्ने हो, पर्यटकसँग सेवा शुल्क उठाएपछि दायित्व पनि त निभाउनुपर्छ,’ प्रवक्ता निरौलाले भने, ‘एक महिनाभित्र पर्यटन सेवा शुल्क खारेज भइसक्छ ।’
विना कारण चर्को पर्यटन सेवा शुल्क उठाएको विषयमा आइकाओसँगै अरू सरोकारवाला निकाय तथा व्यक्तिहरूले पनि प्रश्न उठाउँदै आइरहेको प्रवक्ता निरौलाको भनाइ छ ।
