प्रधानमन्त्री कप : सुदूरपश्चिमविरुद्ध ब्याटिङ गर्दै वाग्मती

काठमाडौँ – प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिता अन्तर्गत अहिले सुदूरपश्चिम प्रदेश र वाग्मती प्रदेशबीच प्रतिस्पर्धा हुँदैछ । कीर्तिपुरस्थित टियु क्रिकेट मैदानमा केही बेरमा हुने खलमा सुदूरपश्चिम प्रदेशले टस जितेर पहिले बलिङ गर्ने निर्णय गरेको छ ।

वाग्मती प्रदेशले सुदूरपश्चिमविरुद्ध केही बेरमा ब्याटिङ थाल्नेछ । आजको खेलमा वाग्मती प्रदेश लगातार दोस्रो जित निकाल्ने योजनामा छ । वाग्मतीले विभागीय टोली नेपाल पुलिसलाई आइतबार सहजै पराजित गरेको थियो ।

यता, प्रतियोगिताको पहिलो खेल खेल्न लागेको सुदूरपश्चिम आजको खेलमा सहज जित निकाल्दै प्रतियोगितामा सुखद सुरुआत गर्ने योजनामा छ ।

समूह ‘बी’ मा रहेको वाग्मतीले २ अंक जोडेको छ । वाग्मती तालिकाको शीर्ष स्थानमा छ ।