कुन पार्टीले देश र जनताका लागि के गर्यो, त्यसको लेखाजोखा गर्ने बेला आएको छ : नेता सिंह

काठमाडौं – नेपाली कांग्रेसका नेता प्रकाशमान सिंहले कुन पार्टीले के गरिरहेको छ, त्यसको जनताले लेखाजोखा गर्ने बेला आएको बताएका छन् ।

बुधबार राजधानीको बुद्धनगरमा आयोजित स्थानीय नागरिकहरुसँगको भेटघाटका क्रममा नेता सिंहले कस्ले कुन समयमा देश र जनताका लागि के गर्यो यसको सहि मुल्यांकन गर्नु पर्ने भन्दै क्षणभरका घटनाका क्रम मात्रै नभई बिगतको पनि समीक्षा गरेर आफ्नो मत दिन समेत मतदातालाई आग्रह गरेका छन् ।

उनले स्थानीय आवश्यकताका आधारमा गठबन्धनभित्रका दलहरुबीच तालमेल गरेर जानू पर्ने बताए । नेता सिंहले गठबन्धनको ओैचित्य अझै नसकिएकाले कहाँ कसरी तालमेल गर्ने बिषयमा छिट्टै दलहरु बसेर मोडालिटि तय गरी तालमेल गरेर जानू पर्नेमा जोड दिए ।

कांग्रेसको संसदमा उपस्थिति कस्तो थियो, कसरी कस्का कारण कांग्रेसको नेतृत्वमा सरकार निर्माण भयो यी सबै कुरा सबैले ख्याल राख्नु पर्ने बताउदै उनले के अब गठबन्धनको ओैचित्य सकिएको हो त रु भन्दै वास्तबिकता को धरातलमा उभिन सबैलाई अपिल गरेका छन् ।