टिकट पाउने सर्वोकृष्ट र नपाउने अयोग्य भन्ने होइनः गृहमन्त्री खाण
कागजपत्र |
कपिलवस्तु – गृहमन्त्री बालकृष्ण खाणले नेपाली काङ्ग्रेसका तर्फबाट आवधिक निर्वाचनमा विभिन्न पदमा टिकट पाउने सर्वोकृष्ट र नपाउने अयोग्य भन्ने छुट कसैलाई नभएको बताएका छन् ।
पार्टीको शिवराज नगरपालिका समितिले बुधबार गरेको कार्यकर्ता भेटघाट कार्यक्रममा गृहमन्त्री खाणले निर्वाचनमा पार्टी नेता कार्यकर्ता र मतदाताले रुचाउने व्यक्तिलाई टिकट दिनुपर्ने बाध्यता रहेको र त्यो गाह्रो काम भएको बताए ।
पार्टीमा व्यक्ति धेरै हुने र निर्वाचनमा पद थोरै हुने भएकाले जसले टिकट पाउँछ उसैलाई सहयोग गरेर पार्टीलाई जिताउनु पर्ने बताए । उम्मेदवार हुने चाहना राख्दै तयारी गर्न भन्दा उम्मेदवार छान्ने काम जटिल बताए ।
शान्तिपूर्ण रूपमा श्वच्छ, निस्पक्ष निर्वाचन गराउन सरकार तयार रहेको बताए । उनले चैत ११ गतेका लागि बोलाइएको काङ्ग्रेस केन्द्रीय समिति बैठकले वर्तमान गठबन्धन सरकारमा रहेका राजनीतिक दलहरूबीच तालमेल गरेर अगाडि बढ्ने विषयमा छलफल हुने बताए ।
