गाउँपालिकासँगको सहमतिसँगै फेरि चल्ने भयो बंगलाचुलीमा टिपर
कागजपत्र |
दाङ – दाङको बंगलाचुली गाउँपालिकाले यसअघि गाउँपालिका क्षेत्रका रहेको चुनढुंगा खानी उत्खननमा रोक लगाएपछि ठप्प भएका टिप्परहरु चैत ७ गतेदेखि चल्ने भएका छन ।
सिमेन्ट उद्योगले पालिकासँग गरेको सहमति कार्यान्वयन नगरेको भन्दै बंगलाचुली गाउँपालिकाले चुनढुंगा खानी बन्द गरेको थियो । जिल्लाको सर्बदलिय तथा सर्बपक्षिय बैठकले यसअघि भएका सहमती यथाशिघ्र कार्यान्वयन गर्ने सहमती गर्दै खानी क्षेत्र खुला गर्ने निर्णय गरेको हो ।
खानी क्षेत्र खुला भएपनि स्वर्गद्वारी टिप्पर ब्यबसायी समितिले खानि क्षेत्रबाट चुन ढुङ्गा ढुवानी गर्दा ढुवानी मुल्य कम रहेको भन्दै मुल्य बढाउन घोराही सिमेन्ट उद्योगको ध्यानाकर्षण गराउदै आएको थियो । चैत १ गते टिप्पर समितिका अध्यक्ष भरतनाथ योगि र सिमेन्ट उद्योगका प्रतिनिधी अमर सुवेदी बिच भएको छलफलमा टिप्पर समितिले राखेको माग बमोजिम ढुवानि मुल्य प्रती टन ६ सय कायम गर्ने सहमती भएको हो ।
यसअघि टिप्परले सिमेन्ट उद्योगको लागि चुनढुङ्गा खानी क्षेत्रबाट प्रति टन ५ सय १५ रुपैयाँमा बोक्दै आएका थिए । सिमेन्ट उद्योगका प्रतिनिधी सुबेदीले टिप्पर समिति र उद्योग बिच ढुवानी मुल्य बढाउने र प्रती टन ६ सय कायम गर्ने सहमती भएको जानकारी दिए ।
जिल्लामा रहेका तीन सिमेन्ट उद्योगले यस क्षेत्रको चुनढुंगा उत्खनन गरी प्रयोग गर्दै आएका थिए ।
उद्योगले पालिकासँग गरेका सम्झौताहरू कार्यान्वयन नगरेको हुँदा यसपुर्ब गाउँपालिकाले खानी उत्खनन् बन्द गरेको थियो । तीनवटा उद्योगले पालिकासँग गरेको सहमति कार्यान्वयन नगरेपछि पालिकाले खानी बन्द गरेसँगै त्यहाँबाट चुनढुंगा ओसार्नेको काम पनि ठप्प भएको थियो। पालिको यो निर्णयबाट उद्योगको उत्पादनमा समेत असर परेको थियो । खानी बन्द भएपछि करिब ४ सय टिप्पर कामविहीन भएका थिए । छन् भने टिप्पर ब्यबसायी मर्कामा परेका थिए ।
बंगलाचुली गाउँपालिकामा रहेका आ–आफ्ना खानीबाट चुनढुंगा ल्याएर घोराही, अग्नि र सम्राट सिमेन्ट उद्योगले सिमेन्ट उत्पादन गर्दै आएका थिए । पालिकाले खानी बन्द गरेर चुनढुंगा ओसार्न रोक लगाएपछि कच्चापदार्थ नभएर उद्योग बन्द हुने अबस्थामा पुगेका थिए ।
चुनढुंगा खानी रहेको क्षेत्रदेखि घोराहीसम्मको करिब ३० किलोमिटर सडक कालोपत्रे भएको एक महिना नहुँदै कालोपत्रे उप्किएर सडक धुलाम्य हुन थालेपछि पालिकाले खानी नै बन्द गरेर टिप्पर सञ्चालनमा रोक लगाएको थियो ।
