नेपालका ओपनर कुशल भुर्तेलले अविजित १२० रनको उत्कृष्ट इनिङ्स खेल्दै ११७ बलमा १३ चौका र ४ छक्का प्रहार गरे। उनले आसिफ शेखसँग पहिलो विकेटका लागि १४५ रनको बलियो साझेदारी गरे। आसिफले ५९ रनको योगदान दिए।

यसअघि टस जितेर ब्याटिङ गरेको संयुक्त राज्य अमेरिका राष्ट्रिय क्रिकेट टोलीले १९५ रन बनाएको थियो। स्मित पटेलले ८४ रन बनाए पनि अन्य ब्याटर टिक्न सकेनन्। नेपालका दीपेन्द्रसिंह ऐरीले ४ विकेट र सोमपाल कामीले २ विकेट लिए।

यो जितसँगै नेपाल राष्ट्रिय क्रिकेट टिम ले प्रतियोगितामा महत्वपूर्ण सफलता हात पारेको छ। अब नेपालले आगामी खेलमा सोमबार स्कटल्याण्ड राष्ट्रिय क्रिकेट टोली सँग प्रतिस्पर्धा गर्नेछ।

The post आईसिसी क्रिकेट : अमेरिकामाथि नेपालको सानदार जित appeared first on कागजपत्र.

आजको खेलमा नेपालका डा. इशान पाण्डेले ओडीआई डेब्यु गर्दै छन् । उनलाई करण केसीले डेब्यू क्याप दिइसकेका छन् ।

यसअघि २०१९ मा टी-२०आई डेब्यू गरिसकेका थिए । उनले ४ टी-२०आई खेलेका छन् । घरेलु प्रतियोगिता जय ट्रफी र पीएम कप तथा नेपाल ए बाट राम्रो प्रदर्शन गरेका थिए ।

खेल टियू क्रिकेट मैदानमा साढे ९ बजेदेखि सुरु हँदैछ । आजको खेलमा विनोद भण्डारी, अर्जुन कुमाल र करण केसी बेन्चमा रहने भएका छन् ।

The post लिग २ः नेपालविरूद्ध टस जितेर ब्याटिङमा अमेरिका appeared first on कागजपत्र.

कीर्तिपुरस्थित त्रिवि क्रिकेट मैदानमा हुने खेल बिहान साढे ९ बजे सुरु हुनेछ। एकअर्काविरुद्ध मैदानमा उत्रिँदा घरेलु टोली नेपाल र अमेरिका पहिलो जितको खोजीमा हुनेछन्।

त्रिकोणात्मक सिरिजको पहिलो खेलमा स्कटल्यान्डसँग डीएल मेथडमा २ रनले पराजित भएको नेपाल पहिलो जितको खोजीमा मैदान उत्रिँदैछ। सिरिजको आफ्नो पहिलो खेलमा अमेरिका पनि स्कटल्यान्डसँग डीएल मेथडमा २ रनले नै पराजित भएको थियो। लिग–२ अन्तर्गत घरेलु मैदानमा अन्तिम सिरिज खेलिरहेको नेपाली टोली अंक तालिकामा स्थान सुधारको लक्ष्यमा छ।

एक दिवसीय वरीयता कायम राख्न नेपाललाई शीर्ष ६ मा रहनु अति आवश्यक छ। त्यसैले नेपाली टोलीको लक्ष्य शीर्ष ६ मा स्थान सुरक्षित गर्नु हो। नेपाल भ्रमणमा रहेका अमेरिका र स्कटल्यान्ड शीर्ष स्थानमा रहँदै विश्वकप छनोट यात्रा तय गर्न चाहन्छन्। लिग–२ को शीर्ष ४ मा रहने टोलीले सिधै विश्वकप छनोटमा स्थान बनाउनेछन्।

अन्य टोलीले भने विश्वकप छनोटका लागि प्लेअफ खेल्नुपर्ने हुन्छ। नेपाली टोली शीर्ष ६ मा रहेर सिधै वरीयता जोगाउने लक्ष्यमा छ। त्यसैले घरेलु मैदानको सिरिज नेपाली टोलीका लागि महत्त्वपूर्ण छ। अमेरिकाविरुद्ध मैदान उत्रिँदा नेपाली टोलीमा २ खेलाडी परिवर्तनको सम्भावना छ।

The post नेपाल र अमेरिका आज खेल्दै appeared first on कागजपत्र.

नेपाली फुटबलमा लामो समयदेखि देखिएको विवाद र गतिरोध अन्त्य गर्दै एन्फामाथिको निलम्बन बिना सर्त हटाइएको एन्फाका प्रवक्ता सुरेश शाहले जानकारी दिएका छन्।

प्रवक्ता शाहले सामाजिक सञ्जालमार्फत प्रतिक्रिया जनाउँदै यस निर्णयलाई नेपाली फुटबल विकासका लागि “सराहनीय र ऐतिहासिक” कदम बताएका छन्। उनले प्रतिबन्ध फुकुवासँगै अब नेपाली फुटबलले नयाँ गति लिने विश्वास व्यक्त गरेका छन्।

राखेपले गत चैत ११ गते एन्फाले अवैधानिक रूपमा निर्वाचन गर्न खोजेको तथा परिषद्को निर्देशन अवज्ञा गरेको आरोप लगाउँदै तीन महिनाका लागि निलम्बन गरेको थियो।

The post राखेपद्वारा एन्फामाथिको निलम्बन फुकुवा appeared first on कागजपत्र.

खेल विहान साढे ९ बजे कीर्तिपुरस्थित त्रिवि अन्तर्राष्ट्रिय क्रिकेट मैदानमा सुरु हुनेट। दुवै टोलीको समान ३६ अंक छ। राम्रो रनरेटका कारण अमेरिका शीर्षस्थानमा छ भने स्कटल्यान्ड दोस्रो स्थानमा। स्कटल्यान्डले २९ खेल खेलेको छ भने अमेरिकाले २४ खेलमात्र खेलेको छ।

अमेरिका शीर्षस्थान कायमै राख्न चाहन्छ भने स्कटल्यान्ड लिग २ को उपाधि रक्षा गर्ने दाउमा छ। अमेरिकाले नेपालको यस लिग २ शृंखलामा पहिलो पटक खेल्न लागेको हो।

नेपालमा खेलिने ४ खेलमा आफूअनुकूल नतिजा ल्याए अमेरिका लिग २ को विजेता बन्ने बलियो सम्भावना छ। स्कटल्यान्डले मंगलबार नेपाललाई २ रनले पराजित गरी अमेरिकासँगै समान अंक बनाएको थियो।

जर्ज मुन्सीले ब्याटिङमा ७५ रन बनाउनुका साथै ब्राड कुरीले कसिलो बलिङ गर्दै ३ विकेट लिएपछि स्कटल्यान्डले कीर्तिपुरमा नेपालमाथि पहिलो जित हात पारेको थियो।

स्कटल्यान्ड सन् २०२३ मा पछिल्लो पटक काठमाडौं आउँदा नेपालसँग दुवै खेलमा पराजित भएको थियो। तर नामिबियालाई दुवै खेलमा पराजित गर्दै स्कटल्यान्ड नेपाली भूमिमा लिग २ को विजेता बनेको थियो।

अमेरिका सन् २०२० यता पहिलो पटक नेपाल आएको हो। अमेरिका पछिल्लो पटक काठमाडौं आउँदा नेपाल र ओमानसँग २–२ खेलमै पराजित भएको थियो।

त्यसमा नेपालसँगको खेलमा टोली ३५ रनमै अलआउट भएको थियो, जुन एकदिवसीय अन्तर्राष्ट्रियकै सबैभन्दा सानो स्कोर थियो।र नेपालका पूर्वप्रशिक्षक पुबुदु दासानायकेले टोली सम्हालेयता अमेरिका फेरिएको छ र लगातार जित निकाल्दै आएको छ ।

The post आज अमेरिका र स्कटल्यान्डबीच खेल हुँदै appeared first on कागजपत्र.

The post नेपालले पायो २४४ रनको लक्ष्य appeared first on कागजपत्र.

कीर्तिपुरस्थित त्रिवि अन्तर्राष्ट्रिय क्रिकेट मैदानमा स्कटल्यान्डले टस जितेर पहिला ब्याटिङ गर्दै निर्णय गरेपछि नेपालले बलिङ गर्न लागेको हो । यो शृङ्खलामा नेपाल, अमेरिका र स्कटल्यान्डबीच प्रतिस्पर्धा गर्दैछन् ।

लिग २ को तालिकामा शीर्ष स्थानमा रहेका अमेरिका र स्कटल्यान्डको नजर उपाधितर्फ छ । घरेलु टोली नेपालका लागि भने यो शृंखला आफ्नो एकदिवसीय अस्तित्व जोगाउने लडाइँ बनेको छ। नेपालले यस शृंखलामा स्कटल्यान्ड र अमेरिकासँग २–२ खेल खेल्ने तालिका छ।

लिग २ को तालिकामा अमेरिका २४ खेलबाट ३६ अंक जोडेर शीर्ष स्थानमा छ भने स्कटल्यान्ड २८ खेलबाट ३४ अंकसहित दोस्रो स्थानमा छ। नेपाल भने २४ खेलमा मात्र १८ अंक जोडेर तालिकाको सातौँ स्थानमा छ। लिग २ का शीर्ष चार टोली सोझै विश्वकप छनोटमा पुग्ने भएकाले नेपालका लागि अबका हरेक खेल ‘गर या मर’ को स्थितिमा छन्।

नेपालका लागि उपकप्तान दीपेन्द्रसिंह ऐरी उत्कृष्ट लयमा छन्। उनले पछिल्लो शृंखलामा औसत ९० को रनरेटमा २ सय ६८ रन बनाएका थिए। तर, अन्य ब्याटरको साथ नहुनु नेपालको मुख्य चिन्ताको विषय हो। ओपनरद्वय कुशल भुर्तेल र आसिफ शेखको अस्थिर प्रदर्शन तथा कप्तान रोहित पौडेलको ब्याटिङ खडेरीले टोलीलाई दबाबमा राखेको छ।

नेपाली टोलीमा अलराउन्डर बसिर अहमदको स्थानमा इशान पाण्डेलाई समेटिएको छ।

The post स्कटल्याण्डविरूद्ध नेपालले पहिले फिल्डिङ गर्दै appeared first on कागजपत्र.

स्कटल्यान्डसँग खेल्दा नेपालले सो टिमविरुद्धको अपराजित यात्रालाई कायम राख्ने ध्याउन्नका साथ मैदानमा उत्रित्रने छ।

विश्वकप क्रिकेट लिग–२ अन्तर्गत २०२३ मा स्कटल्यान्डले नेपालमा दुवै खेल हारेको थियो। भारतमा भएको विश्वकप टी–२० क्रिकेट प्रतियोगितामा पनि नेपालले स्कटल्यान्डलाई हराएको थियो तर स्कटल्यान्ड एसोसिएट राष्ट्रमध्ये शीर्षस्थ टिम हो।

स्कटल्यान्ड विश्वकप क्रिकेट लिग–२ उपाधि रक्षा अभियानमा रहेको छ।

नेपालको अर्को प्रतिद्वन्द्वी अमेरिका रहेको छ। अमेरिकाका क्रिकेटरसँग एनपीएल खेलेको अनुभव छ। मिलिन्द कुमार, साइतेजा मुक्कामल्ला र कप्तान मोनाङ्क पटेलको उपस्थितिले बलियो ब्याटिङ भएको अमेरिकाको बलिङ पनि अनुभवी सौरभ नेत्रवाल्करका कारण सुदृढ छ।

पछिल्ला पाँच खेल हेर्ने हो भने अमेरिकासँग नेपालको प्रदर्शन कमजोर छ। पछिल्ला चार ओडीआईमा नेपाललाई हराउने अमेरिका घरेलु टिमका लागि कठिन टिम हुन सक्छ। नेपालले मे १६ र २२ तारिखमा अमेरिकासँग खेल्ने छ।

आईसीसी विश्वकप क्रिकेट लिग–२, २०२४–२७का खेलमा नेपाल २४ खेलमा आठ जित, १४ हार र दुई अनिर्णित खेलसहित १८ अङ्क बनाएर आठ राष्ट्र सहभागी प्रतियोगितामा पुछारबाट दोस्रो स्थानमै छ।

यसपालि पनि अर्को वर्ष विश्वकपको ग्लोबल क्वालिफायरमा स्वतः खेल्न र थप चार वर्षका लागि एकदिवसीय मान्यता प्राप्त गर्न नेपालले बाँकीका १२ मध्ये धेरैभन्दा धेरै खेल जित्नुपर्ने बाध्यता छ।

नेपालले यसै महिना सकिएको विश्वकप क्रिकेट लिग–२ अन्तर्गतकै ओमान र संयुक्त अरब इमिरेट्स यूएईसहभागी त्रिदेशीय शृङ्खला अन्तर्गत चारमध्ये तीन खेल जितेर विश्वकप ग्लोबल छनोटमा पुग्ने अभियानमा आशा भने जगाइसकेको छ।

सोही कठिन लक्ष्य पूरा गर्न नेपालले अब घरेलु मैदानमै सुरु हुने अर्को विश्वकप क्रिकेट लिग–२ त्रिदेशीय शृङ्खलामा चारै खेल जित्ने उद्देश्य राखेको छ।

नेपालको प्रतिद्वन्द्वी अमेरिका र स्कटल्यान्ड अङ्क तालिकामा शीर्ष दुई स्थानमा रहेका टिम हुन्। अमेरिका २४ खेलमा १६ जित र ६ हारसहित ३६ अङ्क बनाएर अग्रस्थानमा रहेको छ। स्कटल्यान्ड २८ खेलमा १४ जित, आठ हार र छ अनिर्णित खेलसहित ३४ अङ्कमा रहेको छ।

नेपाल ए सँग भ्रमणकारी दुवै टिम अमेरिका र स्कटल्यान्डले अभ्यास खेलमा दुवै खेल हारेपछि नेपालको सिनियर टिमको मनोबल उच्च बनेको छ ।

The post नेपाल र स्कटल्याण्डबीचको पहिलो खेल आज appeared first on कागजपत्र.

शुक्रबार राति दिल्लीमा सम्पन्न खेलमा दिल्ली क्यापिटल्सलाई ८ विकेटले हराउँदै कोलकाता विजयी भएको हो ।

दिल्लीले दिएको १ सय ४३ रनको लक्ष्य कोलकाताले १४ ओभर २ बलमा २ विकेट गुमाएर पूरा ग¥यो ।

कोलकाताका फिन एलेनले सर्वाधिक एक सय रनको शतकीय पारी खेले । यस्तै, क्यामरुन ग्रीनले ३३, अजिन्क्या रहाणेले १३ रन जोडे । दिल्लीका अक्षर पटेले १ विकेट लिए ।

यसअघि टस हारेर पहिले ब्याटिङ गरेको दिल्लीले निर्धारित २० ओभरमा ८ विकेटको क्षतिमा १ सय ४२ रन बनाएको थियो ।

दिल्लीका पथुम निसान्काले ५० रनको अर्धशतकीय इनिङ खेले । यस्तै, आशुतोष शर्माले ३९ र अक्षर पटेलले ११ रनको योगदान दिए ।

कोलकाताका कार्तिक त्यागी र अनुकूल रोयले २–२ तथा क्यामरुन ग्रीनले १ विकेट लिए ।

यो जिततसँगै कोलकाता नाइट राइडर्स १० खेलबाट ९ अंकसहित तालिकाको सातौँ स्थानमा छ । एक खेल बढी खेलेको दिल्ली क्यापिटल्स ८ अंकका साथ आठौँ स्थानमा छ ।

The post आईपीएलः दिल्लीविरूद्ध कोलकताको फराकिलो जित appeared first on कागजपत्र.

माथिल्लो मुलपानी क्रिकेट मैदानमा जारी खेलमा टस जितेर पहिले ब्याटिङ गरेको नेपाल ‘ए’ ले निर्धारित ५० ओभरमा ८ विकेट गुमाएर २७७ रनको योगफल बनाएको हो । नेपाल ‘ए’ का लागि देव खनालले सर्वाधिक ६३ रनको योगदान दिए । उनले ६५ बलमा ६ चौका र एक छक्काको सहयोगमा सर्वाधिक ६३ रनको बनाएका हुन ।

त्यसैगरी ओपनर मयन यादवले ४५ रन बनाउँदा कप्तान अनिलकुमार साहले १८ रन जोडे । सन्दीप जोरा ३४, पवन सरार्फ ३१ तथा नारायण जोशी ८ रन बनाउँदै आउट भए । दीपक डुम्रेले अविजित २३ रन बनाए ।

स्कटल्याण्डका लागि ब्राण्डली करी र सफियान सरिफले समान २÷ २ विकेट लिए भने ओलिभर डेभिडसन, ब्राण्डन म्याकमुलन, ज्याक जार्भिस र मार्क वाटले समान १÷१ विकेट लिए । स्कटल्याण्ड अहिले जवाफी ब्याटिङमा उत्रेको छ ।

The post नेपाल ‘ए’ ले स्कटल्याण्डलाई दियो २७८ रनको लक्ष्य appeared first on कागजपत्र.

नेपाल पुलिस क्लबको कप्तानी गर्र्दै लगातार २ वटा जय ट्रफीको उपाधि जितेको, प्रो क्लब च्याम्पियनसिपमा विभागलाई उपाधि दिलाएको र विश्वकपमा समेत नेपालको प्रतिनिधित्व गर्दै राम्रो प्रदर्शन गरेको भन्दै नेपाल पुलिस क्लबले उनलाई पदोन्नति गरेको हो ।

उनलाई पदोन्नतिसँगै अर्को सिजनसम्मका लागि नेपाल पुलिस क्लबका खेलाडीहरुलाई खेलकुद सामाग्री समेत वितरण गरिएको थियो ।

The post क्रिकेटर आरिफ शेख प्रहरी सहायक हवल्दारमा बढुवा appeared first on कागजपत्र.

युवा तथा खेलकुद मन्त्रालयकी सहसचिव तथा प्रवक्ता मनिता श्रेष्ठका अनुसार परिषद्का उपाध्यक्ष ध्रुव आचार्यसहित १९ जना बोर्ड सदस्यहरू पदमुक्त भएका हुन्।

मन्त्रालयका अनुसार पदमुक्त हुनेमध्येका उपाध्यक्ष आचार्यले भने यसअघि नै राजीनामा दिइसकेका थिए।

अध्यादेश जारी भएपछि विभिन्न सार्वजनिक निकायमा नियुक्त भएका पदाधिकारीहरूको पद स्वतः समाप्त हुने व्यवस्था लागू भएको हो।

The post खेलकुद परिषद्का उपाध्यक्षसहित १९ जना पदमुक्त appeared first on कागजपत्र.