यस गोलसँगै मेसीले विश्वकप इतिहासमा एक अभूतपूर्व कीर्तिमान समेत आफ्नो नाममा लेखएका छन् । उनी विश्वकपका लगातार सात खेलमा गोल गर्ने विश्वकै पहिलो खेलाडी बनेका छन् ।

समूह ‘जे’ को खेलमा जिओभानी लो सेल्सोको गोल मद्दतले साविक विजेता अर्जेन्टिनाले जोर्डन विरुद्ध सुरुवाती अग्रता बनाएको थियो ।

टेक्ससको डल्लास स्टेडियममा जारी खेलको १९औं मिनेटमा मिडफिल्डर लो सेल्सोले आकर्षक गोल गर्दै अर्जेन्टिनालाई १–० को अग्रता दिलाएका थिए । त्यसपछि खेलको ३१औं मिनेटमा प्राप्त पेनाल्टीलाई स्ट्राइकर लाउतारो मार्टिनेजले गोलमा परिणत गर्दै अग्रता दोब्बर बनाएका थिए । मेसीको गोलसँगै अर्जेन्टिनाले ३ १ को जित निकालेको हो । जोर्डनका लागि मुसा अल तमारीले खेलको ५५ मिनेटमा शान्तवना गोल फर्काएका थिए ।

जितसँगै मेसी यस विधाका दुई गोलले अगाडि रहँदै ‘गोल्डेन बुट’ को दौडमा सबैभन्दा बलियो दावेदार बनेका छन् । मेसीको खेल जीवनमा जित्न बाँकी रहेका सीमित उपाधिहरूमध्ये गोल्डेन बुट पनि एक हो ।

The post मेसीको कीर्तिमानी गोलसँगै जोर्डनविरूद्ध अर्जेन्टिनाको शानदार जित appeared first on कागजपत्र.

मियामीस्थित हार्ड रक स्टेडियममा भएको यो खेलमा अन्तिम समयसम्म दुवै टिमले आकर्षक अवसर पाए पनि गोल हुन सकेन । पुरै समय अवधिभर कोलम्बियाले दबाबमा राखेको खेलमा दुवै टोलीबाट कुनै गोल हुन सकेन। पोर्चुगलका स्टार स्ट्राइकर रोनाल्डोलेसमेत गोल गर्न सकेनन् । अधिकांश समय खेलमा कोलम्बियाले दबदबा देखाएको थियो । खेलको ९० मिनेटमा कोलम्बियाले गोल गर्ने महत्त्वपूर्ण अवसर गुमायो ।

खेल बराबरीमा सकिएसँगै कोलम्बिया समूह विजेता र पोर्चुगल उपविजेता बन्दै नकआउट चरणमा प्रवेश गरेका छन् । खेलभरि कुनै गोल हुन नसके पनि प्रतिस्पर्धा भने निकै रोमाञ्चक र आक्रामक बनेको थियो ।

दुवै टोलीले सुरुदेखि अन्तिम मिनेटसम्म लगातार उत्कृष्ट गोल गर्ने अवसरहरू सिर्जना गरे पनि बललाई जाली चुमाउन सकेनन् । खेलको उत्तरार्धमा दुवै पक्षका गोलकिपरहरूले केही उत्कृष्ट बचाउ (सेभ) गर्दै टोलीको संकट टारेका थिए । अन्ततः गोलको खडेरी चिर्न नसक्दा दुवै टोली १–१ अङ्कमा चित्त बुझाउन बाध्य भए ।

यो बराबरीपछि ३ खेलबाट ७ अङ्क जोड्दै कोलम्बिया समूह ‘के’ को शीर्ष स्थानमा रहन सफल भयो । समान खेलबाट ५ अङ्क जोडेको पोर्चुगलले दोस्रो स्थानमा रहँदै अन्तिम ३२ को यात्रा तय गर्‍यो । समूह विजेता बनेको कोलम्बियाले अब नकआउट चरणमा घानाको सामना गर्नेछ भने उपविजेता बनेको पोर्चुगलले क्रोएसियाको चुनौती सामना गर्नुपर्नेछ ।

The post फिफा विश्वकप २०२६ः पोर्चुगल र कोलम्बिया बराबरीमा रोकिए appeared first on कागजपत्र.

न्युयोर्क न्युजर्सी स्टेडियममा शनिबार राति भएको खेलमा इंग्ल्यान्डलाई जित दिलाउन जुड बेलिङघम र ह्यारी केनले १–१ गोल गरे । पहिलो हाफ गोलरहित बराबरीमा सकिए पनि दोस्रो हाफमा इंग्ल्यान्डले उत्कृष्ट पुनरागमन गर्दै पाँच मिनेटको अन्तरालमा दुई गोल गरेको थियो ।

खेलको ६२ औं मिनेटमा बुकायो साकाको पासमा जुड बेलिङघमले गोल गर्दै इंग्ल्यान्डलाई सुरुवाती अग्रता दिलाएका थिए । त्यसको पाँच मिनेट नबित्दै ६७ औं मिनेटमा कप्तान ह्यारी केनले बेलिङघमकै पासमा गोल गर्दै टोलीको जित सुनिश्चित गरे । यस गोलसँगै केन विश्वकपमा इंग्ल्यान्डका लागि सबैभन्दा बढी गोल गर्ने कीर्तिमानी खेलाडीसमेत बनेका छन् ।

‘पहिलो लक्ष्य पूरा भयो’ खेलपछि कुरा गर्दै गोलकर्ता जुड बेलिङघमले टोलीको पहिलो लक्ष्य पूरा भएको बताएका छन् ।

“हाम्रो पहिलो काम पूरा भएको छ । हामी यहाँ चरणबद्ध रूपमा अघि बढ्ने लक्ष्यका साथ आएका थियौं । सुरुवाती खेलहरू राम्रो रह्यो र हामीले समूह विजेता बन्दै अर्को चरणमा पुग्ने पहिलो लक्ष्य हासिल गर्‍यौं,” बेलिङघमले भने, “हामी कुन स्तरमा छौं र के हासिल गर्न चाहन्छौं भन्ने कुरामा स्पष्ट छौं, जुन दोस्रो हाफको प्रदर्शनले देखायो । हामीले हरेक दिन सुधार गर्दै जानुपर्छ र यो हाम्रै हातमा छ ।”

कप्तान ह्यारी केनको कीर्तिमानबारे बोल्दै उनले थपे, “उहाँले आफ्नो स्तरलाई लगातार माथि लैजानु भएको छ, जुन अविश्वसनीय छ । कप्तानका रूपमा उहाँले गर्ने मिहिनेत र नेतृत्व प्रशंसनीय छ । उहाँको क्षमता आफैंमा प्रष्ट छ, उहाँ उत्कृष्ट हुनुहुन्छ ।”

The post पनामालाई हराउँदै इंग्ल्यान्ड समुह विजेता appeared first on कागजपत्र.

अमेरिकाको ह्युस्टन रंगशालामा आज बिहान भएको समूह एच को अन्तिम खेलमा साउदी अरेबियासँग गोलरहित बराबरी खेल्दै केप भर्डेले अन्तिम ३२ मा स्थान सुरक्षित गरेको हो ।

योसँगै केप भर्डेले समूह चरणका आफ्ना तीनवटै खेलमा बराबरी खेलेको छ । यसअघिको पहिलो खेलमा स्पेन र उरुग्वेसँग बराबरी खेलेको थियो ।

आजको बराबरीसँगै तीन खेलबाट ३ अंक जोडेको केप भर्डे समूह उपविजेता बनेको छ भने पराजित भएको साउदी अरेबिया प्रतियोगिताबाट बाहिरिएको छ ।

The post पहिलो पटक विश्वकप खेलेको केप भर्डे नकआउट चरणमा प्रवेश appeared first on कागजपत्र.

अमेरिकाको बोस्ट्न स्टेडियममा सम्पन्न समूहको अन्तिम खेलमा नर्वेलाई ४–१ ले पराजित गर्दै फ्रान्स समूह बिजेता बनेको हो ।

फ्रान्सको लगातार यो तेस्रो जित हो । फ्रान्सले यसअघि सेनेगलाई ३–१ र इराकलाई ३–० ले पराजित गरेको थियो ।

२८ वर्षपछि विश्वकपमा फर्कको नर्वे भने समूह उपविजेता बन्दै नकआउट चरणमा पुगेको छ ।

खेलमा डेम्बेलेले खेलको पहिलो हाफको ३२आँै मिनेटभित्रै ह्याट्रिक पुरा गरेका थिए । उनले खेलको सातौँ मिनेटमा  गोल गर्दै फ्रान्सलाई पहिलो अग्रता दिलाए । त्यसपछि खेलको २०औँ मिनेटमा डेम्बेलेले व्यक्तिगत दोस्रो गोल गर्दै फ्रान्सको अग्रता दोब्बर बनाए ।

खेलको २१आँै मिनेटमा नर्वेका लागि थेलो आसगार्डले गोल गर्दै खेलमा फर्काउने प्रयास गरे । तर खेलको ३२औँ मिनेटमा डेम्बेलेले  गोल गर्दै ह्याट्रिक पूरा गर्दै फ्रान्सलाई ३–१ को अग्रता दिलाए ।

खेलको ५०औँ मिनेटमा नर्वेका योर्गन स्ट्रान्ड लार्सनले पेनाल्टीमा गोल गर्न चुके सकेनन् । त्यसपछि खेलको दोस्रो हाफको अतिरिक्त समयमा फ्रान्सका डिजायर डोएले गोल गरेपछी फ्रान्सले नर्बेमाथी ४–१ को जित निकाल्यो ।

आजै भएको यसै समूहको अर्को खेलमा सेनेगलले इराकलाई ५–० गोलअन्तरको पराजित गर्दै जित हासिल गरेको छ ।

यससँगै समूह आइमा अमेरिकाले नौ अङ्क बटुलेको छ भने नर्बेको ६ अङ्क छ । तेस्तै सेनेगलले तीन अङ्क जोड्दा इराक भने अङ्कबिहीन रहँदै विश्वकपबाट बाहिरियो ।

The post नर्वेलाई हराउँदै फ्रान्स  समूह ‘आइ’को विजेता appeared first on कागजपत्र.

हात्तीगौंडामा सञ्चालित टुङ्गराम ईन्टरनेशनल एकेडेमीको ८ करोड ७८ लाख ३० हजार रकम अपचलन गरेर शेर्पाले लाभ लिएको आरोप छ । विद्यालयको कार्यकारी प्रमुख भएर काम गर्दा उनले विभिन्न प्रपञ्च गरेर लाभ लिएको र विद्यालयलाई हानि पुर्‍याएको कसुरमा अनुसन्धान भइरहेको छ ।

विद्यालयलाई अनुचित हानि गर्ने नियतले उनले डर, त्रास र अनुचित प्रभावमा पारेर भक्तपुरको दधिकोटमा रहेको २९ रोपनी ४ आना जग्गा आफ्नो स्वामित्वको कम्पनीमा बेचेको सीआईबीको अनुसन्धानबाट थाहा भएको छ ।

विद्यालयका लागी सवारी साधन खरिद गर्ने रकमबाट उनले आफू सम्बद्ध कम्पनीको नाममा जग्गा र सवारी साधन खरिद गरेर विद्यालयको हक टुटाएको आरोप छ । विद्यालयको रकम हिनामिना गरेर आफूले लाभ लिएर उनले ठगी र अपराधी विश्वासघात कसुर गरेको भन्दै सीआईबीमा उजुरी परेको थियो ।

कांग्रेसमा आबद्ध शेर्पा विरुद्ध दुई वर्षअघि नै जाहेरी परे पनि प्रहरीले उजुरी दर्ता गरेको थिएन । अदालतले जाहेरी दर्ता गरेर अनुसन्धान अघि बढाउन आदेश दिएसँगै सीआईबीले उनीमाथि अनुसन्धान अघि बढाएको हो ।

The post एन्फाका पूर्वाध्यक्ष कर्माछिरिङ शेर्पा पक्राउ appeared first on कागजपत्र.

अमेरिकाको डालास स्टेडियममा शुक्रबार बिहान भएको खेलमा १–१ को बराबरी खेल्दै जापान र स्वीडेन दुवै टोलीले नकआउट चरणमा स्थान बनाएका हुन् ।

खेलको ५६औं दाइजेन माएदाले गोल गर्दै जापानलाई अग्रता दिलाएका थिए । त्यसको ६ मिनेटमै गोल फर्काउँदै स्वीडेन खेलमा फर्कियो । स्वीडेनका लागि एन्थोनी एलान्गाले गोल गरे ।

जापान ५ अंकसहित समूह ‘एफ’ को उपविजेता बन्दै नकआउट चरणमा पुग्दा ४ अंक जोडेको स्वीडेन तेस्रो स्थानको उत्कृष्ट ८ मा पर्दै नकआउट चरणमा प्रवेश गरेको हो ।

नेदरल्यान्ड्स ७ अंक जोड्दै समूह विजेता बनेर नकआउट चरणमा पुग्दा ट्युनिसिया अंकविहिन बनेर विश्वकपबाट बाहिरियो । नेदरल्यान्ड्सले नकआउटमा समूह ‘सी’ को उपविजेता मोरक्कोसँग खेल्नेछ ।

जापान लगातार तेस्रो पटक नकआउट चरण प्रवेश गर्न सफल भयो । सन् १९९८ मा पहिलोपटक विश्वकप खेलेको जापान सन् २०१८, २०२२ र यसपटक नकआउट चरणमा पुगेको हो ।

सन् २००२ र २०१० मा पनि नकआउट चरणमा पुगेको थियो । सन् १९५८ मा फाइनलमा पुगेको स्वीडेन सन् २०१८ को विश्वकपमा क्वार्टरफाइनलसम्म पुगेको थियो ।

सन् २०२२ को विश्वकपमा छनोट हुन नसकेको स्वीडेन नकआउट चरणमा पुगेको हो ।

३ पटकको उपविजेता नेदरल्याण्ड्स भने लगातार नकआउट चरणबाट अगाडि बढ्दै आएको छ ।

The post लगातार तेस्रो पटक जापान विश्वकपको नकआउट चरणमा appeared first on कागजपत्र.

गएराति भएको समूह ‘ई’ को तनावपूर्ण खेलमा सुरुवाती अग्रता भने जर्मनीले लिएको थियो । खेल सुरु भएको दोस्रो मिनेटमै लेरोय सानेले गोल गर्दै जर्मनीलाई अघि बढाएका थिए । फ्लोरियन विर्ट्जको पासमा सानेले प्रहार गर्नुअघि जर्मनीका अलेक्ज्यान्डर पाभ्लोभिचको बुट इक्वेडरका पेड्रो भिटेको टाउकोमा लागेको भन्दै इक्वेडरका खेलाडीहरूले फलको माग गरे पनि रेफ्रीले गोललाई मान्यता दिएका थिए । यस निर्णयले खेलमा केही बेर तनाव उत्पन्न गराएको थियो ।

समूह चरणबाटै बाहिरिने खतरामा रहेको इक्वेडरले खेलमा उत्कृष्ट पुनरागमन गर्‍यो । खेलको नवौँ मिनेटमा नील्सन एङ्गुलोले बक्स बाहिरबाट उत्कृष्ट प्रहार गर्दै खेललाई १-१ को बराबरीमा ल्याए । जर्मनीका फेलिक्स न्मेचाले आफ्नै हाफमा बल गुमाएपछि एङ्गुलोले म्यानुएल नोयरलाई जिल्याउँदै गोल गरेका थिए ।

दोस्रो हाफको सुरुवातमै जर्मनीका काई हाभर्ट्जलाई जोएल ओर्डोनेजले पेनाल्टी बक्समा लडाएपछि रेफ्रीले जर्मनीलाई पेनाल्टी दिएका थिए । तर, भिडियो असिस्टेन्ट रेफ्रीको हस्तक्षेपपछि उक्त पेनाल्टीको निर्णय उल्टियो । भीएआरले पेनाल्टीअघि सानेले भिटेमाथि फल गरेको देखाएको थियो, जसले इक्वेडरलाई ठुलो राहत मिल्यो ।

खेल सकिन १३ मिनेट बाँकी छँदा इक्वेडरले निर्णायक गोल गर्‍यो । कर्नरबाट आएको बललाई केभिन रोड्रिगेजले फ्लिक गरेपछि अनमार्क रहेका गोन्जालो प्लाटाले प्रहार गर्दै बललाई जाली चुमाए । यस गोलसँगै न्यु जर्सीको रङ्गशालामा उपस्थित हजारौँ इक्वेडरी समर्थक खुसीले झुमेका थिए ।

यो जितसँगै इक्वेडर विश्वकपको इतिहासमा दोस्रो पटक नकआउट चरणमा पुग्न सफल भएको छ । अर्कोतर्फ, यस पराजयले जर्मनीको लगातार ११ खेलको जितको यात्रामा पूर्णविराम लगाएको छ ।

The post फिफा विश्वकपः जर्मनीमाथि इक्वेडरको सनसनीपूर्ण जीत appeared first on कागजपत्र.

यस निर्णयसँगै एन्फाले फिफा विधानको धारा १३ अन्तर्गत प्राप्त आफ्ना सबै सदस्यता अधिकार गुमाएको छ। निलम्बन कायम रहुञ्जेल एन्फाको प्रतिनिधित्व गर्ने टोली तथा क्लबहरूले कुनै पनि अन्तर्राष्ट्रिय प्रतियोगितामा भाग लिन पाउने छैनन्।

यसका साथै, एन्फा वा उसँग सम्बन्धित कुनै पनि सदस्य वा पदाधिकारीले फिफा तथा एएफसी (एशियन फुटबल कन्फेडेरेसन) ले सञ्चालन गर्ने विकास कार्यक्रम, तालिम वा प्रशिक्षणबाट कुनै पनि प्रकारको लाभ लिन नपाउने फिफाले स्पष्ट पारेको छ।

फिफाले आगामी दिनमा कुनै पनि समय फिफा कंग्रेस बस्नुअघि नै फिफा काउन्सिल ब्युरो वा फिफा काउन्सिलले आवश्यक ठानेमा यो निलम्बन फुकुवा गर्न सक्ने जनाएको छ।

The post फिफाद्वारा एन्फा निलम्बन appeared first on कागजपत्र.

लामो समयपछि विश्वकपमा फर्किएको क्यारेबियन राष्ट्र हाइटीले खेलमा दुई पटक सुरुवाती अग्रता लिँदै मोरक्कोलाई दबाबमा राखेको थियो । विश्वकप इतिहासमै आफ्नो पहिलो अंक जोड्ने दाउमा रहेको हाइटीको सपनालाई मोरक्कोका वैकल्पिक खेलाडीले समाप्त पारिदिए ।

खेलको १० औँ मिनेटमै मोरक्कोका गोलकिपर यासिन बोनोबाट आत्मघाती गोल भएपछि हाइटीले अप्रत्याशित सुरुवाती अग्रता लिएको थियो । तर, ३९ औँ मिनेटमा स्टार डिफेन्डर अकराफ हाकिमीले गोल गर्दै मोरक्कोलाई १–१ को बराबरीमा ल्याए । खेलको ४३ औँ मिनेटमा विल्सन इसिडोरले गोल गरेपछि हाइटीले पुनः २–१ को अग्रता बनायो । हानेको केही मिनेटमै अर्थात् पहिलो हाफको इन्जुरी समयमा इस्माइल साइबारीले गोल गर्दै मोरक्कोलाई फेरि २–२ को बराबरी स्थितिमा पुर्‍याए ।

दोस्रो हाफमा मोरक्कोका वैकल्पिक खेलाडीहरू चम्किए । ७८ औँ मिनेटमा सुफियाने राहिमीले गोल गर्दै मोरक्कोलाई खेलमा पहिलो पटक ३–२ को अग्रता दिलाए भने ८९ औँ मिनेटमा जेसिम यासिनले गोल गरेपछि मोरक्कोले ४–२ को रोमाञ्चक जित दर्ता गर्‍यो ।

यो जितसँगै मोरक्को समूह ‘सी’ को उपविजेता बन्दै अर्को चरणमा पुगेको हो । यसै समूहको अर्को खेलमा स्कटल्यान्डलाई ३–० ले पराजित गरेको ब्राजिल शीर्ष स्थानमा रह्यो ।

The post हाइटीलाई हराउँदै मोरक्को नकआउट चरणमा appeared first on कागजपत्र.

खेलमा विनीसियस जुनियले दुई तथा माथिअस कुन्हाले एक गोल गरेपछि ब्राजिलले प्रतियोगितामा आफ्नो बलियो उपस्थिति प्रमाणित गरेको हो ।

खेलको सातौँ मिनेटमै स्टार स्ट्राइकर विनीसियस जुनियरले गोल गर्दै ब्राजिललाई सुरुवाती अग्रता दिलाएका थिए । आक्रामक खेल पस्किएको ब्राजिलका लागि पहिलो हाफको इन्जुरी समय मा विनीसियसले नै व्यक्तिगत दोस्रो गोल गर्दै टोलीको अग्रता दोब्बर पारे ।

दोस्रो हाफको ६० मिनेटमा माथिअस कुन्हाले गोल गर्दै ३–० को अग्रता दिलाएका हुन् । त्यसपछि भने दुवै तर्फबाट गोल हुन सकेन । समूह सीबाट ब्राजिल र मोरक्को अन्तिम ३२ मा पुगेका छन्।

ब्राजिलका लागि नेयमार लामोसमयपछि मैदानमा फर्किएका छन् । २०२३ पछि पहिलोपटक ब्राजिलको जर्सीमा खेलको ७६ औं मिनेटमा मैदानमा प्रवेश गरेका थिए ।

The post स्कटल्याण्डलाई ३–० ले हराउँदै ब्राजिल नकआउट चरणमा, मैदान फर्किए नेयमार appeared first on कागजपत्र.

The post रोनाल्डो चम्किँदा पोर्चुगल विजयी, उज्वेकिस्तान ५–० ले पराजित appeared first on कागजपत्र.