प्रहरीका अनुसार ट्राफिक जरिवानाबाट उठेको सम्पूर्ण रकम नेपाल सरकारको राजस्व खातामा जम्मा हुने कानुनी व्यवस्था छ। ट्राफिक प्रहरीले जरिवानाबाट कुनै प्रकारको कमिसन वा अतिरिक्त सुविधा पाउने व्यवस्था नै नरहेको प्रहरीको स्पष्ट भनाइ छ।

यससँगै संसदीय समिति जस्तो गरिमामय मञ्चमा प्रस्तुत गरिने अभिव्यक्ति तथ्य, प्रमाण र कानुनी आधारमा हुनुपर्ने विषय फेरि चर्चामा आएको छ। कुनै प्रमाणबिना राज्यको सुरक्षा निकायमाथि आर्थिक लाभसँग जोडिएको आरोप लगाउँदा त्यसले संस्थाप्रतिको जनविश्वास कमजोर बनाउने चिन्ता व्यक्त हुन थालेको छ।

सांसद चौलागाईं जनताको मतबाट निर्वाचित जनप्रतिनिधि हुन्। त्यसैले उहाँका प्रत्येक सार्वजनिक अभिव्यक्तिले समाजमा प्रत्यक्ष प्रभाव पार्छ। सस्तो लोकप्रियता हासिल गर्ने उद्देश्यले कानुनमै नभएको विषयलाई तथ्यझैँ प्रस्तुत गर्नु जनप्रतिनिधिको जिम्मेवारीसँग मेल खाँदैन भन्ने टिप्पणी कानुनी तथा प्रशासनिक वृत्तमा हुन थालेको छ।

प्रहरीले आफ्नो विज्ञप्तिमार्फत सञ्चारमाध्यम, सामाजिक सञ्जाल प्रयोगकर्ता तथा सरोकारवालालाई पनि तथ्य पुष्टि नगरी अनुमानका आधारमा समाचार वा टिप्पणी सार्वजनिक नगर्न आग्रह गरेको छ।

लोकतन्त्रमा सरकार र राज्यका निकायमाथि प्रश्न उठाउने अधिकार सबैलाई छ। तर संसद र संसदीय समिति जस्तो सर्वोच्च लोकतान्त्रिक थलोमा गरिने अभिव्यक्ति प्रमाण, तथ्य र कानुनी आधारमा हुनुपर्छ। अन्यथा त्यस्ता अभिव्यक्तिले केवल भ्रम फैलाउने, संस्थामाथिको विश्वास कमजोर बनाउने र जनप्रतिनिधिको विश्वसनीयतामै प्रश्न उठाउने काम मात्र गर्छ।

The post सस्तो लोकप्रियताका लागि संसदलाई जे बोल्ने पनि छुट? माननीय चौलागाईंको दाबीलाई प्रहरीले भन्यो– तथ्यहीन appeared first on कागजपत्र.

कार्यदलको सुरुका बैठकमा अधिकारी सहभागी भए पनि पछिल्ला दिनमा सहभागी हुन छाडेका थिए । कार्यदलको काम कारबाही सुरुदेखि नै संदिग्ध प्रकृतिको रहेको, संविधान संशोधनका विषयहरू किटान नगरिएको, वर्तमान संविधानका आधारभूत संरचनाप्रति सरकारको दृष्टिकोण प्रस्ट नभएको, संशोधनका लागि बहसमा ल्याइएका विषयहरू सङ्घीय लोकतान्त्रिक गणतन्त्रको विरुद्धमा देखिएको जस्ता कारणले सरकारको भूमिका स्पष्ट गर्न माग गर्न माग गरे पनि सुनुवाइ नभएको एमालेको भनाइ छ ।

वर्तमान संविधानका आधारभूत विषयहरूलाई अझ सुदृढ बनाउने र विगतमा देखिएका नकारात्मक अभ्यास र कमी कमजोरीलाई सुधार गर्ने उद्देश्यले संविधान संशोधन गर्ने कुरामा एमाले सदैव दृढ रहेको भन्दै त्यसविपरीत विषयहरू नै खल्बल्याउने उद्देश्य कार्यदलको देखिएको एमालेको आरोप छ ।

‘आजका दिनसम्म पनि हाम्रो पार्टीको प्रस्ताव अनुसार सरकारका तर्फबाट कुनै स्पष्ट जवाफ नआएको सन्दर्भमा औपचारिक रूपमा पार्टी प्रतिनिधिलाई फिर्ता बोलाइएको जानकारी गराउँदछु’, महासचिव पोखरेलले पठाएको पत्रमा भनिएको छ ।

The post संविधान संशोधन कार्यदलबाट एमालेले बोलायो आफ्नो प्रतिनिधि फिर्ता appeared first on कागजपत्र.

सोमबार आयोजित कार्यक्रममा पार्टीका निवर्तमान कार्यवाहक सभापति तथा नेता पूर्णबहादुर खड्काले सम्पर्क कार्यालयको उद्घाटन गरेका हुन् ।

कार्यालय उद्घाटनपछि सोही स्थानमा १४औँ महाधिवेशनबाट निर्वाचित केन्द्रीय कार्यसमितिका सदस्यहरूको बैठक पनि बसेको थियो।

बैठकमा खड्कासहित कृष्णप्रसाद सिटौला, विमलेन्द्र निधि, शशांका कोइराला, प्रकाशमान सिंह, डा. प्रकाशशरण महतलतायत नेताहरू सहभागी छन् ।

यसअघि सातै प्रदेशमा भेला राखिसकेको शेरबहादुर देउवा समूहले बैठकमा राष्ट्रिय भेलाबारे छलफल गरिरहेको छ।

यसअघि गत शुक्रबार पनि खड्का निवासमा इतर पक्षका नेताहरूको बैठक बसेको थियो। उक्त बैठकले असार भित्रै राष्ट्रिय भेला बोलाउने सहमति गरेको थियो।

The post कांग्रेस खड्का पक्षको सम्पर्क कार्यालय स्थापना appeared first on कागजपत्र.

आइतवार काठमाडौँमा आयोजित एक कार्यक्रमलाई सम्बोधन गर्दै उनले यस्तो दावी गरेका हुन्।

प्रधानमन्त्री बालेन साहसँग आफूलाई सिध्याउने सामर्थ्य नरहेको र आफूलाई कमजोर पार्ने गतिविधिमा ओली जति नलागेको प्रचण्डले तर्क गरे।

आफूहरूले गल्ती गरेको भए ओलीले पहिल्यै आफूहरूलाई जेलमा हाल्नेसम्मको षड्यन्त्र बुनेको आरोप लगाए। ओलीले आफूहरूलाई कमजोर पार्न सबै सामर्थ्य लगाएको पनि उनको कथन छ।

प्रचण्डले भने, ‘माधवजीलाई त मुद्दा लड्काएको छ पहिलेको सरकारले। प्रचण्डको कहिले १ खर्ब ४० अर्ब दुबईमा छ भन्या छ। केही भएको भए माधवजी र मलाई सिध्याउन केपी ओलीको सरकार नै काफी थियो। हामीलाई कसरी फसाउने र सिध्याउने भन्नेमा केपीको हाइटमा बालेन छैनन्।’

पार्टीका सहसंयोजकलाई अघिल्लो सरकारले मुद्दा लगाएर राखेको र आफ्नो बारेमा दुबईमा १ खर्ब ४० अर्ब रकम छ भनेर भ्रम फिँजाइएको भन्दै असन्तुष्टि जनाए।

The post मलाई र माधवजीलाई सिध्याउन बालेनभन्दा ओली बढी लागेका छन् : प्रचण्ड appeared first on कागजपत्र.

त्यसैगरी, दिउँसो २ बजे बस्ने महिला तथा सामाजिक मामिला समितिको बैठकमा समितिको कार्यविधि तथा आचार संहिता मस्यौदा उपसमितिले तयार पारेको प्रतिवेदनका सम्बन्धमा छलफल, समितिको हालै सम्पन्न स्थलगत अनुगमन भ्रमणको प्रतिवेदनका सम्बन्धमा छलफल हुनेछ।

The post दुई वटा संसदीय समितिको बैठक appeared first on कागजपत्र.

सम्पत्ति शुद्धीकरणको अनुसन्धानको क्रममा पक्राउ परेका पौडेललाई तेस्रोपटक म्याद थप गरिएको हो । विशेष अदालतका न्यायाधीशहरू हेमन्त रावल, डिल्लीरत्न श्रेष्ठ र उमेश कोइरालाको इजलासले म्याद थपको आदेश दिएको हो।

पूर्व अर्थमन्त्री रहेका उनलाई सम्पत्ति शुद्धीकरण विभागले असार ८ गते सुर्खेतबाट पक्राउ गरेको थियो। उनको सम्पत्तिको शंकास्पद स्रोतको अनुसन्धानको सिलसिलामा पक्राउ गरिएको बताइएको छ।

The post एमाले उपाध्यक्ष पौडेलविरुद्ध ६ दिन म्याद थप appeared first on कागजपत्र.

मदन भण्डारीको जन्मजयन्तीको अवसरमा आयोजित कार्यक्रममा उनले आफूहरूले गलत काम गरेर वा काम गर्न नसकेर नभई युवामा अल्गोरिदम फैलाएर आफूनेतृत्वको सरकार ढालिएको उनको भनाइ छ।

भदौ २३ र २४ को विध्वंसलाई मान्यता दिन अहिले निर्वाचन गराएर नयाँ सरकार बनाएको टिप्पणी गरे। यो सरकारलाई उनले प्रतिगमनकारीको संज्ञा दिए।

आफूले पहिले नै यो निर्वाचनमा नजाऔँ भनेर राखेको प्रस्ताव अरु पार्टीले नमानेको उनको भनाइ छ। आफूलाई यो परिणामबारे पहिल्यै थाहा भएको उनको भनाइ छ।

The post देशमा अहिले संवैधानिक सरकार छैन : केपी ‍ओली  appeared first on कागजपत्र.

संसद् सचिवालयका अनुसार बैठक आज बिहान ११ बजे संसद् भवन नयाँ बानेश्वरमा बस्न लागेको हो। तेस्रो पटक स्थगित बैठक आज बस्ने छ।

राष्ट्रिय स्वतन्त्र पार्टी (रास्वपा)को महाधिवेशन लम्बिँदा प्रतिनिधिसभा बैठक तेस्रो पटक सूचना टाँसेर स्थगित गरिएको थियो। मन्त्री तथा रास्वपा सांसदहरू महाधिवेशनमै व्यस्त भएपछि संसदका महत्वपूर्ण विधेयक र बजेटसम्बन्धी कार्यसूची प्रभावित बनेका छन्।

सत्तारुढ दल राष्ट्रिय स्वतन्त्र पार्टी (रास्वपा) को महाधिवेशन नसकिँदा प्रतिनिधि सभा बैठक तेस्रो पटक सूचना टाँसेर स्थगित गरिएको थियो।

सभामुख डोलप्रसाद अर्यालको निर्देशनमा संघीय संसद् सचिवालयका महासचिव पद्मप्रसाद पाण्डेले शुक्रबार दिउँसो दोस्रो सूचना जारी गर्दै प्रतिनिधि सभा बैठक आइतबार बिहान ११ बजेसम्मका लागि स्थगित भएको जानकारी दिएका थिए।

आजको बैठकका लागि संसद् सचिवालयले सम्भावित विभिन्न १२ वटा कार्यसूची तय गरेको छ।

बैठकको सुरुमा सभामुखले राष्ट्रपति कार्यालयबाट प्राप्त विधेयक प्रमाणीकरणसम्बन्धी पत्रको बेहोरा पढेर सुनाउनुहुने कार्यसूची रहेको छ।

त्यसैगरी, सम्माननीय प्रधानमन्त्री बालेन्द्र शाहको तर्फबाट माननीय विज्ञान, प्रविधि तथा नवप्रवर्तन मन्त्री महावीर पुनले “महालेखा परीक्षकको त्रिसट्ठीऔँ वार्षिक प्रतिवेदन, २०८३” पेस गर्नेछन्।

आजको बैठकमा सरकारका तर्फबाट विभिन्न महत्त्वपूर्ण संसोधन विधेयकहरू प्रस्तुत गर्ने कार्यसूची छ, जसमध्ये: सार्वजनिक खरिद र सहकारी विधेयक: प्रधानमन्त्रीको तर्फबाट मन्त्री महावीर पुनले “सार्वजनिक खरिद (दोस्रो संशोधन) विधेयक, २०८३” र भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले “सहकारी (पहिलो संशोधन) विधेयक, २०८३” प्रस्तुत गर्न अनुमति माग्ने र प्रस्तुत गर्नेछन्।

सम्पत्ति शुद्धीकरण र स्वास्थ्य विधेयक: अर्थमन्त्री डा. स्वर्णिम वाग्लेले “सम्पत्ति शुद्धीकरण (मनि लाउन्डरिङ्ग) निवारण (तेस्रो संशोधन) विधेयक, २०८३” र स्वास्थ्य तथा खाद्य स्वच्छता मन्त्री निशा मेहताले “स्वास्थ्य विज्ञान प्रतिष्ठान सम्बन्धी केही नेपाल ऐनलाई संशोधन गर्ने विधेयक, २०८३” सदनमा प्रस्तुत गर्नेछन्।

आजको बैठकमा “आर्थिक विधेयक, २०८३” माथि प्राप्त संशोधनहरूसहित छलफल हुने र प्राप्त संशोधनहरूलाई निर्णयार्थ प्रस्तुत गरिने कार्यसूची छ। छलफल पश्चात् अर्थमन्त्री डा. स्वर्णिम वाग्लेले उक्त विधेयकलाई पारित गरियोस् भनी प्रस्ताव प्रस्तुत गर्नेछन्।

यसैगरी, “राष्ट्र ऋण उठाउने विधेयक, २०८३” माथिको दफावार छलफल सदनमा गरियोस् भनी प्रस्ताव पेस भई प्राप्त संशोधनहरूलाई निर्णयार्थ प्रस्तुत गरिनेछ र सो विधेयकलाई समेत आजै पारित गर्ने कार्यसूची रहेको छ।

बैठकको अन्त्यमा प्रतिनिधि सभाका पूर्व सदस्य राजेन्द्र खरेलको निधनमा शोक प्रस्ताव प्रस्तुत गर्ने कार्यसूची तय गरिएको संसद्का महासचिव पद्म प्रसाद पाण्डेयले जानकारी दिएका छन्।  यस अघि असार ५ गते बैठक बसेको थियो।

The post रास्वपा महाधिवेशनले एक साता धकेलेको प्रतिनिधिसभा बैठक आज, यस्तो छ सम्भावित कार्यसूची appeared first on कागजपत्र.

बिहान जिल्ला प्रहरी कार्यालय मोरङको प्रहरी टोलीले विराटनगर–१० स्थित गिरीको घरमा खानतलासी गर्न पुगेको थियो। घरमा अवैध हतियार लुकाएर राखिएको भन्ने विशेष सूचनाका आधारमा घरमा खानतलासी गरिएकाे जिल्ला प्रहरी कार्यालय मोरङका प्रवक्ता एवं डीएसपी महेन्द्रकुमार मिश्रले जानकारी दिए।

सोही क्रममा प्रहरीले गिरीलाई पक्राउ गरेको हो। उनी यसअघि अपहरण मुद्दामा कैद भुक्तान गरी निस्किएर कांग्रेसको राजनीतिमा सक्रिय बनेका थिए।

The post कांग्रेस नेता गिरी घरबाटै पक्राउ  appeared first on कागजपत्र.

महामन्त्री घिमिरे र नेता डा. कोइरालाबिच शुक्रबार बिहान विराटनगरस्थित कोइराला निवासमा भेट भएको हो ।

महामन्त्री घिमिरेले भेटमा नेपाली काङ्ग्रेसको आन्तरिक राजनीति र समसामयिक विषयमा छलफल भएको जानकारी दिए ।

नेता कोइरालाका स्वकीय सचिव दिनेशचन्द्र थपलियाले पनि दुई नेताबिच भेट भएको जानकारी दिए ।

कांग्रेसमा पछिल्लो समय क्रियाशील सदस्यता ‘डिजिटल्ली अद्यावधिक’ गर्ने विषयमा देखिएको विवाद उत्कर्षमा पुगेको बेलामा महामन्त्री घिमिरेले नेता डा. कोइरालासँग भेट गरेका हुन् ।

नेता कोइराला र निवर्तमान सभापति शेरबहादुर देउवा समूहले १५ औँ महाधिवेशनका लागि भन्दै नवीकरण भइसकेका क्रियाशील सदस्यहरूको पुनः अद्यावधिकलाई अनिवार्य नगर्न भन्दै अद्यावधिक गरेका छैनन् ।

संस्थापनले भने अद्यावधिक नगर्ने क्रियाशील सदस्यहरू १५ औँ महाधिवेशन अन्तर्गतका अधिवेशनहरूमा सहभागी हुन नपाउने निर्णय गरिसकेको छ । यो विवाद चरमोत्कर्षम पुगेका बेला महामन्त्री घिमिरेले नेता कोइरालासँग भेट गरेका हुन् ।

The post बरिष्ठ नेता डा. शेखर कोइराला भेट्न पुगे कांग्रेस महामन्त्री घिमिरे appeared first on कागजपत्र.

जम्मा चार हजार तीन सय ११ प्रतिनिधि सहभागी भएको यो महाधिवेशनमा केन्द्रीय सदस्य पदका लागि १३ सय ५२ प्रतिनिधिहरू मतदान नगरी बाटो लागेका हुन्।

भरतपुरमा जारी महाधिवेशन अति नै भद्रगोल तरिकाले भइरहेको छ । निर्वाचन हुनु अघिसम्म पनि महाधिवेशन प्रतिनिधिको टुंगो लागेको थिएन।

महाधिवेशनमा ९९ जना केन्द्रीय सदस्यका लागि ३ सय ८४ जना उम्मेदवार छन् । विद्युतीय मतपेटिकामा भोट खसेकाले चाँडै मतपरिणाम आउने अपेक्षा ५ । त्यसपछि पदाधिकारी पदका लागि दोस्रो चरणको मतदान तय गरिएको छ।

यता केन्द्रीय सदस्यका लागि उम्मेदवारी दिएका नेताहरुले निर्वाचनमा षड्यन्त्र भएको आरोप लगाएका छन् ।

उनीहरूले सामाजिक सञ्जालमै आक्रोश पोखेका छन् । रास्वपामा नेतृत्व चयनका लागि बुधबार मध्यरातदेखि मतदान भएको थियो ।

उम्मेदवारको क्रम संख्या,क्लस्टर,वर्णानुक्रम तलमाथि पारिएको आरोपसँगै राति नै आफू निकटहरूलाई जिताउन विभिन्न उपाय अपनाइएको आरोप आएको थियो ।

पार्टीमा अन्य दलको झैँ गुट-उपगुट निषेध हुने भनिएको थियो । तर वरिष्ठ नेता बालेन शाह पक्षले चिट नै बाँडेको पाइएको छ।

बालेन पक्षले मध्यराति सूची बाँडेको कुरा बाहिरिएको थियो । बिहीबार बिहान अर्को पक्षका उम्मेदवारको क्रम संख्या र वर्णानुक्रम बिगारेर भोटिङ मेशिनमा अपलोड गरेको आरोप पनि लगाएको थियो । ज्वाला संग्रौला र आशिका तामाङसहितको आक्रोश चुलिएको छ।

The post रास्वपा महाधिवेशनमा भाँडभैलो, १३ सय ५२ प्रतिनिधिले गरे मत बहिष्कार appeared first on कागजपत्र.

रास्वपा केन्द्रीय निर्वाचन आयोगका प्रमुख भुवन केसीका अनुसार ९९ पदका लागि विद्युतीय मतदान सुरु भएको हो ।

मतदान सुरु भएसँगै प्रतिनिधिहरू महाधिवेशन हलमा प्रवेश गर्न थालेका छन् । असार ७ गतेदेखि सुरु भएको महाधिवेशनमा मतदान आज बिहान १० बजेसम्म जारी रहने केसीले जानकारी दिए ।

निर्वाचनमा ३ सय ८४ जना उम्मेदवारले आफ्नो उम्मेदवारी दर्ता गराएका छन् । यसअघि रास्वपाको सभापतिमा रवि लामिछाने निर्विरोध निर्वाचित भइसकेका छन् ।

The post रास्वपा महाधिवेशनमा मतदान जारी appeared first on कागजपत्र.