रियादको मुसा सनैया क्षेत्रमा रहेको सोफा कारखानामा आइतबार आगलागी भएको थियो। घटनामा मृत्यु हुने सबै बङ्गलादेशी नागरिक रहेको बङ्गलादेशको विदेश मन्त्रालयले सोमबार पुष्टि गरेको हो।

मन्त्रालयले विज्ञप्तिमार्फत घटनाप्रति गहिरो दुःख व्यक्त गर्दै मृतकका परिवारजनप्रति हार्दिक समवेदना प्रकट गरेको छ। कठिन परिस्थितिमा मृतकका परिवारसँग सरकार साथमा रहेको र आवश्यक सहयोग उपलब्ध गराउन प्रतिबद्ध रहेको मन्त्रालयले जनाएको छ।

घटनाको जानकारी पाएलगत्तै रियादस्थित बङ्गलादेशी दूतावासका अधिकारी घटनास्थल पुगेका थिए। दूतावासले साउदी अधिकारीसँग समन्वय गरी मृतकको पहिचान पुष्टि गर्ने तथा शव हस्तान्तरणसम्बन्धी आवश्यक कानुनी प्रक्रिया अघि बढाइरहेको जनाएको छ।

दूतावासले घटनाबारे थप विवरण सङ्कलन गर्नुका साथै प्रभावित व्यक्तिलाई आवश्यक सहयोग उपलब्ध गराउन टोली परिचालन गरेको छ। मृतकको पहिचान, कानुनी औपचारिकता पूरा गर्ने प्रक्रिया तथा पीडित परिवारलाई आवश्यक सहजीकरणलाई प्राथमिकतामा राखिएको दूतावासले जनाएको छ।

रियादस्थित बङ्गलादेशी दूतावासले सामाजिक सञ्जालमार्फत जारी गरेको विज्ञप्तिमा घटनाप्रति दुःख व्यक्त गर्दै आगलागीको विस्तृत विवरण सङ्कलन भइरहेको जनाएको छ। दूतावासका अनुसार घटनाबारे जानकारी पाएपछि प्रतिनिधिमण्डल तत्काल घटनास्थल पुगेको थियो।

बङ्गलादेशको विदेश मन्त्रालयले पनि घटनाको अवस्थालाई नजिकबाट निगरानी गरिरहेको जनाएको छ। मृतकको पहिचान तथा अन्य कानुनी प्रक्रिया पूरा गर्न सम्बन्धित साउदी अधिकारीसँग निरन्तर समन्वय भइरहेको मन्त्रालयले जनाएको छ।

साउदी अरेबियामा ठूलो सङ्ख्यामा बङ्गलादेशी नागरिक रोजगारीका लागि कार्यरत छन्। रियादमा भएको यस घटनाले प्रवासी श्रमिकको कार्यस्थल सुरक्षा तथा आपतकालीन अवस्थामा उनीहरूको संरक्षणको विषयलाई पुनः चर्चामा ल्याएको छ।

The post साउदीमा सोफा कारखानामा भएको आगलागीमा परी १६ बंगाली नागरिकको मृत्यु appeared first on कागजपत्र.

राहुल गान्धी, प्रियंका गान्धी, कांग्रेस अध्यक्ष मल्लिकार्जुन खरगे, अखिलेश यादवलगायतका नेताहरूलाई धर्नास्थलबाट बसमा राखेर लगिएको भारतीय सञ्चारमाध्यमहरूले जनाएका छन्।

यसअघि केन्द्रीय मन्त्री जितेन्द्र सिंह र गृहसचिव गोविन्द मोहनले धर्नास्थलमै पुगेर राहुल गान्धीसँग वार्ता गरेका थिए। जितेन्द्र सिंहका अनुसार सरकारले संसदमा नीट परीक्षा र त्यससँग सम्बन्धित आन्दोलनका विषयमा छलफल गर्न तयार रहेको जानकारी दिएपछि पनि राहुलले धर्ना अन्त्य गर्न मानेनन्।

सिंहले राहुलले सुरुमा संसदमा छलफलको माग गरे पनि पछि केन्द्रीय शिक्षामन्त्री धर्मेन्द्र प्रधानको राजीनामासमेत मागेको दाबी गरेका छन्। उनले राहुलले माग परिवर्तन गरेको र धर्ना जारी राख्ने अडान लिएको बताएका छन्।

मंगलबार दिउँसो साढे ३ बजेदेखि प्रधानमन्त्री निवासनजिक सुरु भएको कांग्रेसको धर्ना करिब तीन घण्टापछि प्रहरीले हटाएको हो। धर्नास्थलमा १०० भन्दा बढी प्रहरी परिचालन गरिएको थियो। कांग्रेस कार्यकर्ताले नेताहरूलाई घेरेर प्रहरीलाई रोक्ने प्रयास गरेपछि केहीबेर धकेलाधकेल भएको थियो। त्यसक्रममा प्रहरीले लाठीचार्जसमेत गरेको भारतीय सञ्चारमाध्यमहरूले उल्लेख गरेका छन्।

प्रदर्शनका क्रममा कार्यकर्ताहरूले ‘प्रधानमन्त्री र गृहमन्त्रीले राजीनामा देऊ’ भन्ने नाराबाजी गरेका थिए। पञ्जाबका पूर्वमुख्यमन्त्री चरणजीत सिंह चन्नीसहित केही कार्यकर्तालाई पनि प्रहरीले हिरासतमा लिएको छ।

यसअघि राहुल गान्धीले सामाजिक सञ्जाल एक्समार्फत विद्यार्थीमाथिको दमनलाई ‘हरेक भारतीय परिवारमाथिको आक्रमण’ भएको टिप्पणी गर्दै प्रधानमन्त्री नरेन्द्र मोदी अब जवाफ नदिई उम्किन नसक्ने बताएका थिए। उनले विद्यार्थीलाई न्याय दिलाउन प्रधानमन्त्री निवासअगाडिको धर्नामा सहभागी हुन सर्वसाधारणलाई आह्वानसमेत गरेका थिए।

The post राहुल गान्धी र अखिलेश यादव पक्राउ appeared first on कागजपत्र.

तेस्रो स्थानका लागि भएको प्रतिस्पर्धामा फ्रान्स इङ्गल्यान्डसँग ६–४ ले पराजित भए पनि उक्त खेलमा रियल मड्रिडका स्ट्राइकर एमबाप्पेले दुई गोल गरेका थिए । योसँगै प्रतियोगिताभर उनको कुल गोल संख्या १० पुगेको छ । विश्वकपको इतिहासमा दुई फरक संस्करण (सन् २०२२ र २०२६) मा गोल्डेन बुट जित्ने एमबाप्पे विश्वकै पहिलो खेलाडी बनेका छन् । उनले ८ गोल गरेका अर्जेन्टिनाका मेसी, ७ गोल गरेका नर्वेका अर्लिङ हालान्ड र इङ्गल्यान्डका जुड बेलिङ्घम तथा ६ गोल गरेका ह्यारी केन र ओसमान डेम्बेलेलाई पछि पारेका हुन् ।

यस विश्वकपमा एमबाप्पेले सेनेगलविरुद्धको खेलमा २ गोल गर्दै यात्रा सुरु गरेका थिए । त्यसपछि इराकविरुद्ध २ गोल, प्रिक्वाटरफाइनल (राउन्ड अफ ३२) मा स्विडेनविरुद्ध २ गोल, क्वाटरफाइनल (राउन्ड अफ १६) मा पाराग्वेविरुद्ध पेनाल्टीमार्फत १ गोल र सेमिफाइनल (क्वाटरफाइनल) मा मोरक्कोविरुद्ध १ गोल गरेका थिए । सेमिफाइनलमा फ्रान्स स्पेनसँग २–० ले पराजित भए पनि तेस्रो स्थानका लागि भएको खेलमा पहिलो हाफमा ४–० ले पछि परेको फ्रान्सलाई पुनरागमन गराउने क्रममा उनले थप २ गोल गरेका थिए । यसअघि २०२२ को विश्वकप फाइनलमा अर्जेन्टिनाका मेसीलाई पछि पार्दै उनले ह्याट्रिकसहित गोल्डेन बुट जितेका थिए ।

स्पेनको हातमा उपाधिसँगै व्यक्तिगत अवार्ड

फाइनल खेलमा अर्जेन्टिनालाई अतिरिक्त समयमा पराजित गर्दै स्पेनले आफ्नो इतिहासमा दोस्रो पटक विश्वकपको उपाधि उचालेको छ । स्पेनका लागि फेरान टोरेसले निर्णायक गोल गरेका थिए । उपाधिसँगै व्यक्तिगत विधाका अवार्डमा पनि स्पेनिस खेलाडीकै वर्चस्व रह्यो ।

स्पेनका मिडफिल्डर रोड्रि प्रतियोगिताकै सर्वोत्कृष्ट खेलाडी (गोल्डेन बल) र पाउ कुबार्सी उत्कृष्ट युवा खेलाडी घोषित भए । त्यस्तै, पूरे प्रतियोगिताका ७ खेलमा मात्र १ गोल ब्यहोरेका स्पेनका गोलकिपर उनाई सिमोनले ‘गोल्डेन ग्लोभ्स’ हात पारे ।

The post एमबाप्पेलाई लगातार दोस्रो पटक गोल्डेन बुट, स्पेनका रोड्रि बने सर्वोत्कृष्ट खेलाडी appeared first on कागजपत्र.

भूकम्पको धक्का मेक्सिको सिटीदेखि अल साल्भाडोरसम्म महसुस गरिएको थियो। शक्तिशाली धक्काका बाबजुद कुनैपनि देशमा ठूलो क्षति वा मानवीय क्षतिको विवरण प्राप्त नभएको बीबीसीले जनाएको छ, यद्यपि दक्षिणी मेक्सिकोमा दुई जना घाइते भएको समाचारमा उल्लेख छ।

अमेरिकी भूगर्भ सर्वेक्षण (यूएसजीएस)का अनुसार स्थानीय समय अनुसार शुक्रबार बिहान ०८ः४९ बजे गएको भूकम्पको केन्द्रविन्दु चियापासको तटीय क्षेत्र नजिकै रहेको अकिलेस सेर्डानभन्दा ४८ किलोमिटर दक्षिण–पश्चिममा र जमिनको सतहबाट १५.२ किलोमिटर गहिराइमा रहेको थियो। मुख्य भूकम्प जानुअघि समुद्रमा अलि टाढा केन्द्रविन्दु भएको सानो धक्का महसुस गरिएको थियो भने मुख्य भूकम्पपछि ४.७ देखि ६ म्याग्निच्युडका कम्तीमा १० वटा परकम्पहरू रेकर्ड गरिएका छन्।

भूकम्पलगत्तै अमेरिकी सुनामी चेतावनी प्रणाली र मेक्सिकोको नौसेनाले प्रशान्त महासागरीय तटीय क्षेत्रमा खतरनाक सुनामीको लहर आउनसक्ने चेतावनी दिएका थिए। पछि सुनामीको खतरा टरेको घोषणा गरिए पनि तटीय क्षेत्रका बासिन्दाहरूलाई चनाखो रहन र सतर्कता अपनाउन भनिएको छ।

यो क्षेत्र भूकम्पको उच्च जोखिममा रहेको छ। यसअघि सन् २०१७ मा मेक्सिको सिटीमा गएको ७.१ म्याग्निच्युडको भूकम्पमा परी सयौँ मानिसको ज्यान गएको थियो भने यसै वर्षको सुरुमा दक्षिणी र केन्द्रीय मेक्सिकोमा गएको अर्को भूकम्पमा दुई जनाको मृत्यु भएको थियो।

The post मेक्सिकोमा ७.३ म्याग्निच्युडको शक्तिशाली भूकम्प appeared first on कागजपत्र.

थाइल्यान्डका प्रधानमन्त्री अनुटिन चार्नभिराकुलका अनुसार घटनास्थलबाट २७ जनाको शव निकालिएको छ भने घाइतेहरूलाई अस्पतालमा भर्ना गरिएको छ ।

स्थानीय सञ्चारमाध्यमका अनुसार मृत्यु हुनेमध्ये ९ जना पुरुष र १८ जना महिला छन् । साथै केही व्यक्ति बेपत्ता रहेको थाई सञ्चारमाध्यम थाइराथले जनाएको छ ।

सोमबार मध्यरातपछि आगलागी भएको जानकारी प्राप्त भएपछि दमकल टोली घटनास्थलमा पुगेको थियो । त्यतिबेला बारको मुख्य प्रवेशद्वारबाट मानिसहरू आगो र धुवाँबाट ज्यान जोगाउन भागिरहेका थिए ।

सामाजिक सञ्जाल एक्समा सार्वजनिक भिडियोहरूमा बारबाट ठूलो आगोको मुस्लो निस्किरहेको, मानिसहरू चिच्याउँदै भागिरहेको, केही लडिरहेको तथा कम्तीमा दुई जना व्यक्तिको शरीरमा आगो सल्किएको देखिन्छ ।

प्रधानमन्त्रीले घटनास्थलमा सञ्चारकर्मीहरूसँग कुरा गर्दै आगलागीको कारणबारे अनुसन्धान भइरहेको बताए ।

The post बैंककको बारमा आगलागी, २७ जनाको मृत्यु, ६० बढी घाइते appeared first on कागजपत्र.

भूकम्पको धक्का छिमेकी देश कोलम्बियासम्म महसुस गरिएको अन्तर्राष्ट्रिय समाचार एजेन्सी रोयटर्सले जनाएको छ।

स्थानीय समयअनुसार बेलुकी १८ः०४ बजे मोन्टाल्वान क्षेत्रलाई केन्द्रविन्दु बनाएर भूकम्प गएको थियो, जसको गहिराइ १३.२ किलोमिटर थियो। यसैबीच अर्को धक्काको केन्द्रविन्दु युमारेभन्दा २३ किलोमिटर दक्षिण–पूर्वमा जमिनबाट १० किलोमिटर गहिराइमा रहेको जनाइएको छ।

भूकम्पलगत्तै अमेरिकी सुनामी चेतावनी प्रणालीले भेनेजुएला, यूएस भर्जिन आइल्यान्ड्स र ब्रिटिस भर्जिन आइल्यान्ड्सका लागि सुनामीको चेतावनी जारी गरे पनि पछि त्यसलाई रद्द गरिएको छ।

भेनेजुएलाका आन्तरिक मामिला मन्त्री डियोस्दादो काबेलोले सरकारी टेलिभिजन च्यानल ‘भीटीभी’सँग फोनमा कुरा गर्दै देशका धेरै राज्यहरू भूकम्पबाट प्रभावित भएको जानकारी दिएका थिए। प्रारम्भिक विवरणहरूले भूकम्पको तीव्रता ७ म्याग्निच्युडभन्दा धेरै ठुलो रहेको देखाएको उनले बताए।

भूकम्पको समयमा राजधानी काराकासमा व्यापक त्रास फैलिएको थियो। रोयटर्ससँग कुरा गर्दै स्थानीयबासीले भवनसँगै कैयौँ पर्खालहरू चर्किएको र भत्किएको बताए।

The post भेनेजुएलामा शक्तिशाली भूकम्प, कैयाैं भवनमा क्षति appeared first on कागजपत्र.

वार्ता सफल भएको खबर सार्वजनिक भएसँगै बजारमा इन्धनको मूल्य उल्लेखनीय रूपमा घटेको हो। ब्रेन्ट क्रुड प्रतिब्यारेल ३.५८ अमेरिकी डलर (४.१० प्रतिशत) ले घटेर ८३.७५ डलरमा झरेको छ। त्यस्तै, वेस्ट टेक्सास इन्टरमिडिएट (WTI) प्रतिब्यारेल ४.०१ डलर (४.७२ प्रतिशत) ले घट्दै ८०.८७ डलरमा कायम भएको छ। यसअघि गत शुक्रबार पनि यी दुवै प्रकारका तेलको मूल्य तीन प्रतिशतभन्दा बढीले घटेको थियो।

मध्यस्थकर्ताको भूमिकामा रहेको पाकिस्तानका प्रधानमन्त्रीका अनुसार अमेरिका र इरानबीच आगामी शुक्रबार स्विट्जरल्यान्डमा औपचारिक समझदारीपत्र (MoU) मा हस्ताक्षर हुने कार्यक्रम तय भएको छ।

यसअघि अमेरिकी राष्ट्रपति डोनाल्ड ट्रम्पले हर्मुज जलमार्ग व्यापारिक जहाजका लागि शुल्कमुक्त रूपमा खुला रहने तथा इरानी बन्दरगाहमा लगाइएको अमेरिकी नौसैनिक नाकाबन्दी तत्काल हटाइने घोषणा गरेको दाबी गरिएको छ। इरानको अर्धसरकारी सञ्चारमाध्यम ‘मेहर’ का अनुसार सम्झौताको मस्यौदामा इरानी व्यवस्थापनमै ३० दिनभित्र हर्मुज जलमार्ग पूर्ण रूपमा सञ्चालनमा ल्याइने उल्लेख गरिएको छ।

केसीएम ट्रेडका मुख्य बजार विश्लेषक टिम वाटररका अनुसार बजारमा तेल आपूर्तिको अवरोध कम हुने संकेत देखिएपछि लगानीकर्तामा विश्वास बढेको छ। यसले भूराजनीतिक जोखिमसँग जोडिएको ‘रिस्क प्रिमियम’ तीव्र रूपमा घटाएको उनको भनाइ छ।

विश्वको कुल तेल तथा तरल प्राकृतिक ग्यास आपूर्तिको करिब २० प्रतिशत हिस्सा ओगट्ने हर्मुज जलमार्ग विगत तीन महिनाभन्दा बढी समयदेखि जारी तनावका कारण प्रभावित रहँदा विश्व बजारले ठूलो मात्रामा इन्धन आपूर्ति गुमाएको थियो।

कमोडिटिज रणनीतिकार विवेक धरका अनुसार हर्मुजमार्गबाट तेल प्रवाह युद्धपूर्वको तुलनामा ६० देखि ७० प्रतिशत मात्र पुनःस्थापित भए पनि बजार सन्तुलनका लागि पर्याप्त हुन सक्छ। उनले वर्षको अन्त्यसम्म ब्रेन्ट क्रुडको मूल्य प्रतिब्यारेल करिब ८० डलर वरिपरि रहने अनुमान गरेका छन्।

यता, इरानका उपपरराष्ट्रमन्त्री काजेम गरबाबादीले आगामी ६० दिनको युद्धविराम अवधिमा थप व्यापक सम्झौताका लागि वार्ता अघि बढाइने जानकारी दिएका छन्। तर विश्लेषकहरूले आणविक मुद्दासहितका जटिल विषयका कारण तेलको मूल्य अझै अस्थिर रहने सम्भावना रहेको बताएका छन्।

The post हर्मुज जलमार्ग खुल्ने सहमतिले अन्तर्राष्ट्रिय तेल बजारमा भाउ घट्यो appeared first on कागजपत्र.

आइतबार भएको यस सहमतिअनुसार अमेरिकाले इरानमाथि लगाएको नाकाबन्दी हटाउने र स्ट्रेट अफ होर्मुज पुनः खुला गरिनेछ। यस प्रारम्भिक सम्झौतासँगै विश्वबजारमा कच्चा तेलको मूल्यमा भारी गिरावट आएको छ तर इरानको परमाणु कार्यक्रमको भविष्य भने आगामी वार्ताहरूबाट मात्रै टुङ्गो लाग्नेछ।

अमेरिकी राष्ट्रपति डोनाल्ड ट्रम्पले वासिङ्टनको स्थानीय समयअनुसार आइतबार साँझ साढे ५ बजे आफ्नो सोसल मिडिया प्लेटफर्म ‘ट्रुथ सोसल’मा लेखेका छन्, ‘इस्लामिक गणतन्त्र इरानसँगको सम्झौता अब पूरा भएको छ।’ ट्रम्पको यो भनाइ आउनुअघि यस वार्तामा मध्यस्थकर्ताको भूमिका निर्वाह गरेको पाकिस्तानका प्रधानमन्त्री शहबाज सरिफले सोमबार बिहानै सम्झौता भएको घोषणा गरेका थिए। यो समझदारी पत्रमा आगामी शुक्रबार स्विट्जरल्यान्डमा औपचारिक रूपमा हस्ताक्षर गर्ने कार्यक्रम तय भएको छ।

सम्झौताका विस्तृत सर्तहरू तत्काल सार्वजनिक गरिएका छैनन्। तर पाकिस्तानी प्रधानमन्त्री सरिफले सामाजिक सञ्जाल एक्समा लेखेअनुसार यस सम्झौताले लेबनानसहित सबै मोर्चाहरूमा भइरहेका सैन्य कारबाहीहरूलाई तत्काल र स्थायी रूपमा बन्द गर्न आह्वान गरेको छ। पछिल्ला हप्ताहरूमा ट्रम्पलगायत अन्यको आग्रहलाई बेवास्ता गर्दै इजरायल र हिज्बुल्लाहले एकअर्काविरुद्ध आक्रमण जारी राखेका कारण लेबनान वार्ताको एउटा जटिल बिन्दु बनेको थियो।

The post अमेरिका र इरानबीच युद्धविरामको सहमति, शुक्रबार औपचारिक रूपमा हस्ताक्षर गर्ने कार्यक्रम appeared first on कागजपत्र.

स्थानीय अधिकारीहरूका अनुसार मृत्यु हुनेहरूमा ११ जना स्काईडाइभर र एक जना पाइलट रहेका छन्।

बोट्स काउन्टी आपतकालीन व्यवस्थापनका प्रवक्ताका अनुसार एक स्काईडाइभिङ कम्पनीले भाडामा लिएको उक्त विमानले आइतबार स्थानीय समयअनुसार बिहान करिब ११:२० बजे उडान भरेको थियो। उडान भरेलगत्तै पर्याप्त उचाइ लिन नसकेपछि विमानले देब्रेतिर तीव्र मोड लिएको र बट्लर मेमोरियल विमानस्थलबाट करिब दुई सय यार्ड टाढा दुर्घटनाग्रस्त भएको प्रवक्ताले बीबीसीलाई जानकारी दिएका छन्। विमानमा सवार सबै १२ जनाकै घटनास्थलमै मृत्यु भएको उनले पुष्टि गरे।

बोट्स काउन्टीका शेरिफ चाड एन्डरसनले दिउँसो आयोजना गरिएको पत्रकार सम्मेलनमा यस घटनालाई ठुलो संख्यामा मानवीय क्षति भएको एक दुःखद दुर्घटनाका रूपमा लिएर अनुसन्धान अगाडि बढाइएको बताए। शेरिफले यो कुनै व्यावसायिक यात्रुबाहक विमान नभएर स्थानीय विमानस्थलबाटै उडान भरेको एउटा स्थानीय विमान मात्र रहेको स्पष्ट पारे। संघीय उड्डयन प्राधिकरण (एफएए) का अनुसार उक्त विमान ‘प्यासिफिक एरोस्पेस पी७५०’ मोडलको थियो र विमानस्थलबाट प्रस्थान गर्ने क्रममै दुर्घटनामा परेको हो।

दुर्घटनाको समयमा विमानलाई कुनै हवाई ट्राफिक सेवा उपलब्ध नगराइएको एफएएले जनाएको छ। प्रवक्ताका अनुसार विमान जुन हवाई क्षेत्रमा उडिरहेको थियो, त्यहाँको नियमअनुसार उडानका क्रममा निरन्तर सञ्चार सम्पर्कमा रहिरहनु आवश्यक पर्दैनथ्यो।

स्थानीय सञ्चारमाध्यमहरूका अनुसार दुर्घटना हुनुभन्दा अगाडि कोही स्काईडाइभरले विमानबाट हामफाल्न सफल भए कि भनेर उद्धारकर्मीहरूले वरपरको क्षेत्रमा खोजीसमेत गरेका थिए। शेरिफ एन्डरसनका अनुसार मृतकका केही परिवारका सदस्यहरूले यो भयानक दुर्घटना आफ्नै आँखा अगाडि देखेका थिए। अधिकारीहरूले हालसम्म मृतकहरूको पहिचान र व्यक्तिगत विवरण सार्वजनिक गरेका छैनन्।

दुर्घटना भएको बट्लर सहर कान्सास सिटी महानगरीय क्षेत्रबाट करिब ५० माइल दक्षिणमा पर्दछ। संघीय उड्डयन प्राधिकरणका अनुसार यस विमान दुर्घटनाको मुख्य अनुसन्धानको नेतृत्व राष्ट्रिय यातायात सुरक्षा बोर्ड (एनटीएसबी) ले गरिरहेको छ।

The post अमेरिकाको मिसाैरीमा विमान दुर्घटना, पाइलटसहित विमानमा सवार सबै १२ जनाको मृत्यु appeared first on कागजपत्र.

भारतीय सञ्चारमाध्यमका अनुसार वायुसेनाका प्रवक्ता विंग कमाण्डर जयदीपले दुर्घटनाको पुष्टि गर्दै घटनाबारे थप विवरण सङ्कलन भइरहेको बताएका छन्।

दुर्घटनापछि भारतीय वायुसेनाले जारी गरेको वक्तव्यमा एएन–३२ विमान जोरहाटमा अवतरण गर्ने क्रममा दुर्घटनामा परेको उल्लेख गरिएको छ। साथै दुर्घटनाको कारण पत्ता लगाउन ‘कोर्ट अफ इन्क्वायरी’ गठन गरिएको जनाइएको छ।

प्रारम्भिक विवरणअनुसार विमान वायुसेना स्टेशन परिसरभित्र अवतरणको क्रममा दुर्घटनाग्रस्त भएको थियो। दुर्घटनापछि विमानमा आगलागीसमेत भएको बताइएको छ।

घटनालगत्तै उद्धार तथा आपत्कालीन टोलीहरू परिचालन गरिएको छ। वायुसेना स्टेशन परिसरमा उद्धार कार्य जारी रहे पनि दुर्घटनाको वास्तविक कारणबारे अहिलेसम्म स्पष्ट हुन सकेको छैन। त्यसैगरी, घटनामा मानवीय क्षति भएको वा नभएको विषयमा पनि आधिकारिक जानकारी सार्वजनिक गरिएको छैन।

एएन–३२ दुई इन्जिनयुक्त टर्बोप्रप सैन्य परिवहन विमान हो। सोभियत संघकालीन एन्टोनोभ डिजाइन ब्यूरोद्वारा विकसित यो विमान भारतीय वायुसेनाको महत्वपूर्ण ढुवानी साधनका रूपमा प्रयोग हुँदै आएको छ। सैनिक तथा सामग्री ढुवानी, विपद् राहत सामग्री पुर्‍याउने कार्य तथा प्याराट्रूपरहरूलाई हवाईमार्गबाट खसाल्ने जिम्मेवारीमा एएन–३२ विमान प्रयोग गरिन्छ।

The post भारतीय वायुसेनाको एएन–३२ विमान आसाममा दुर्घटनाग्रस्त appeared first on कागजपत्र.

बिहीबार ओभल अफिसमा सञ्चारकर्मीहरूसँग कुरा गर्दै राष्ट्रपति ट्रम्पले भने, ’हामीले भर्खरै इरानसँगको युद्ध समाधानका लागि एउटा ठूलो सहमति गरेका छौं।’ उनले यो सम्झौताको मुख्य उद्देश्य इरानलाई आणविक हतियार बनाउनबाट सधैंका लागि रोक्नु रहेको बताएका छन्।

ट्रम्पले सम्झौताको कागजातहरू अन्तिम चरणमा रहेको र सम्भवतः युरोपमा एक समारोहबीच यसमा हस्ताक्षर गरिने बताए।

यद्यपि, इरानको विदेश मन्त्रालयका प्रवक्ता इस्माइल बाघेईले भने सम्झौता भइसकेको भन्ने रिपोर्टहरूलाई अनुमानित भन्दै टिप्पणी गरेका छन्। उनले धेरैजसो बुँदाहरूमा सहमति जुटे पनि अमेरिकाले केही थप मागहरू राखेका कारण केही पनि अन्तिम नभएको बताएका छन्। उनले इरान आफ्नो अडानबाट पछि नहट्ने स्पष्ट पारेका छन्।

यो घोषणा हुनु केही घण्टा अघिमात्र ट्रम्पले इरानको तेल निर्यातको मुख्य केन्द्र ‘खार्ग टापु’ कब्जा गर्ने र इरानमाथि निकै कडा प्रहार गर्ने घोषणा गरेका थिए। पछिल्लो साता अमेरिका र इरानबीच झडपहरू तीव्र भएका थिए। अमेरिकी अपाचे हेलिकप्टर खाडी क्षेत्रमा दुर्घटना भएपछि दुवै देशले एकअर्कामाथि आक्रमण सुरु गरेका थिए।

अमेरिकी सेन्ट्रल कमाण्डले इरानका सैन्य र राडार केन्द्रहरूमा आक्रमण गरेको थियो भने जवाफमा इरानले बहराइन, कुवेत र जोर्डनमा रहेका अमेरिकी आधार शिविरहरूमा मिसाइल प्रहार गरेको थियो। सो क्रममा बहराइनमा ११ वर्षीया बालिका घाइते भएकी थिइन्। यस्तै, ओमानको खाडीमा अमेरिकाले गरेको आक्रमणमा तीन भारतीय नाविकको मृत्यु भएपछि भारतले अमेरिकी कूटनीतिज्ञलाई बोलाएर सोधपुछ समेत गरेको छ।

यसैबीच ट्रम्पको पछिल्लो सकारात्मक बयानपछि अन्तर्राष्ट्रिय बजारमा कच्चा तेलको मूल्यमा ४.४ प्रतिशतले गिरावट आएको छ। ब्रेन्ट क्रुडको मूल्य प्रति ब्यारेल ८९ डलर कायम भएको छ। ट्रम्पले सम्झौता भएलगत्तै विश्वकै महत्त्वपूर्ण तेल ढुवानी मार्ग ‘हर्मुज जलसन्धि’ पुनः खुल्ने बताएका छन्। इजरायली प्रधानमन्त्री बेन्जामिन नेतान्याहुले ट्रम्पको कदमको प्रशंसा गरेका छन्।

The post इरानविरुद्ध आक्रमण रोक्दै अमेरिकी राष्ट्रपति ट्रम्प भन्छन्, ‘ऐतिहासिक सम्झौताको नजिक छौँ’ appeared first on कागजपत्र.

इरानी सैन्य मुख्यालयले जारी गरेको वक्तव्यअनुसार हर्मुज जलमार्गबाट तेल ट्यांकर, व्यापारिक जहाज तथा अन्य सबै प्रकारका जलयात्रुहरूको आवागमनमा प्रतिबन्ध लगाइएको छ। साथै उक्त मार्ग प्रयोग गर्ने जुनसुकै जहाजलाई निशाना बनाएर आक्रमण गरिने चेतावनी पनि दिइएको छ।

इरानले क्षेत्रीय असुरक्षा बढेको र अमेरिकाले आफ्नो भूमिमाथि आक्रमण जारी राखेकाले यस्तो निर्णय लिनुपरेको जनाएको छ। इरानी पक्षले हर्मुज जलमार्ग अर्को सूचना जारी नभएसम्म बन्द रहने संकेत दिएको छ।

हर्मुज जलडमरूमध्य विश्वकै महत्वपूर्ण समुद्री व्यापारिक मार्गमध्ये एक मानिन्छ। विश्वका ठूलो परिमाणमा तेल तथा ग्यास ढुवानी यही मार्ग हुँदै हुने भएकाले इरानको निर्णयले अन्तर्राष्ट्रिय ऊर्जा बजारमा समेत प्रभाव पार्ने अनुमान गरिएको छ। घटनापछि अन्तर्राष्ट्रिय बजारमा कच्चा तेलको मूल्य वृद्धि भएको छ।

यद्यपि अमेरिकी सेनाले भने हर्मुज क्षेत्रमा अझै पनि केही व्यावसायिक जहाजहरूको आवागमन जारी रहेको जनाएको छ।

The post अमेरिकी हमलापछि इरानले बन्द गर्‍यो हर्मुज जलमार्ग appeared first on कागजपत्र.