बान अध्यक्ष चन्द्र न्यौपानेको निधन
कागजपत्र |
इटहरी– ब्रोडकाष्टिङ एसोसिएसन अफ नेपाल (बान)का अध्यक्ष चन्द्र न्यौपानेको निधन भएको छ। कोभिडका कारण बिरामी भएका न्यौपानेको मोरङ बुढीगंगा गाउँपालिकास्थित विराट मेडिकल कलेजमा उपचारका क्रममा न्यौपानेको निधन भएको हो ।
इटहरी ४ निवासी न्यौपानेको आज बिहान ८ः२५ बजे निधन भएको सप्तकोसी एफएमका समाचार प्रमुख लिलाराज भट्टराईले जानकारी दिए । उनको निधनको पुष्टि इटहरी उपमहानगरपालिकाकी उपमेयर लक्ष्मी गौतमले गरेकी छन्। उनले सामाजिक सञ्जालमार्फत न्यौपानेको निधन भएको जानकारी दिइन्।
नेकपा एमाले प्रचार विभागका सदस्य समेत रहेका न्यौपाने इटहरीस्थित सप्तकोशी एफएमका सञ्चालक र स्टेशन म्यानेजर पनि थिए। नेपाल विज्ञापन बोर्डको सदस्यका रुपमा पनि न्यौपाने सक्रिय रहेका थिए । यसका अतिरिक्त न्यौपाने एमालेका सुनसरी जिल्ला सदस्य समेत थिए।
५० वर्षीय न्यौपानेलाई मुटुको समस्या देखिएपछि वैशाख २८ गते राति ८ः३० बजे उपचारार्थ अस्पताल भर्ना गरिएको थियो ।
