वीरगञ्जमा विद्यालयको सिलिङ फ्यान खस्दा दुई विद्यार्थी घाइते
कागजपत्र |
पर्सा – वीरगञ्जस्थित एक विद्यालयमा सिलिङ फ्यान खस्दा दुई जना विद्यार्थी घाइते भएका छन् ।
जिल्ला प्रहरी कार्यालय पर्साका डीएसपी राजु कार्कीका अनुसार बिहीबार बिहान ८ बजे वीरगञ्ज महानगरपालिका–१४ स्थित सिद्धार्थ माध्यमिक विद्यालयको कक्षा कोठामा रहेको सिलिङ फ्यान खसेर दुई विद्यार्थी घाइते भएका हुन् ।
घाइते हुनेमा पिपराका १३ वर्षीय आर्यनकुमार पटेल र कालिकामाई मुर्लीका १३ वर्षीय अमनकुमार पण्डित रहेका छन् ।
प्रहरीका अनुसार उनीहरू कक्षा कोठामा प्रवेश गर्ने क्रममा सिलिङबाट फ्यान खसेर चोट लागेको हो । दुर्घटनामा दुवै जनाको टाउको तथा मुखमा चोट लागेको बताइएको छ ।
घाइते विद्यार्थीहरूको नारायणी अस्पताल पर्सामा उपचार भइरहेको प्रहरीले जनाएको छ ।
