लुम्बिनी प्रदेशसभा सदस्य पुनको निधन
कागजपत्र |
बुटवल – लुम्बिनी प्रदेशसभा सदस्य सरिता पुनको निधन भएको छ । शनिबार उपचारका क्रममा काठमाडौंको महाराजगन्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उनको निधन भएको पार्टीले जनाएको छ ।
रुकुम पूर्वको तकसेराकी पुनलाई स्वास्थ्य समस्या देखिएपछि काठमाडौं लगिएको थियो ।
पुन नेकपा (एमाले)बाट समानुपातिक प्रणालीमार्फत लुम्बिनी प्रदेशसभामा निर्वाचित भएकी थिइन् ।
