धुलिखेलमा करेन्ट लागेर विद्युत मजदुरको मृत्यु, प्राधिकरणले लापरवाही गरेको आरोप

धुलिखेल, काभ्रे – विद्युतीय काम गर्ने क्रममा करेन्ट लागेर एक व्यक्तिको मृत्यु भएको छ। यो घटनामा सर्लाहीको लालबन्दी नगरपालिकाका २८ वर्षीय उज्वल नेपालीको जान गएको छ। उनी धुलिखेल नगरपालिका-७ स्थित जिल्ला प्रशासन कार्यालय अगाडिको ११ हजार भोल्टको हाइट्रेसन लाइनको पोलमा काम गर्दै थिए।

प्रहरीका अनुसार उज्वल पोलमा चढेर तार जोड्ने क्रममा करेन्ट लागेर घटनास्थलमै मृत्यु भएको हो। उनले काम गर्दै गर्दा विद्युत प्राधिकरणले सूचनाविनै लाइन छाडेको आरोप लागेको छ। शुक्रबार नै काभ्रे वितरण केन्द्रले उक्त क्षेत्रमा ११ केभी लाइन चार्ज गरिने बताएको थियो र त्यसको लागि सावधानी अपनाउन आग्रह गरिएको थियो। तर, कार्यालयकै लापरवाहीले निम्त्याएको यो घटना एक मजदुरको मृत्युको कारण बन्यो।

उज्वलको शवलाई पोलबाट निकालेर धुलिखेल अस्पतालमा पोस्टमार्टमका लागि पठाइएको छ। घटनाको अनुसन्धानको लागि जिल्ला प्रहरी कार्यालय काभ्रेबाट प्रहरी निरीक्षक दिनेशबहादुर कुँवरको नेतृत्वमा टोली गठन गरिएको छ।