थाइल्यान्डमा प्रधानमन्त्री ओलीलाई ‘गार्ड अफ अनर’


काठमाडौं- प्रधानमन्त्री केपी शर्मा ओलीलाई बैंककको सरकारी भवनमा थाइल्यान्डका प्रधानमन्त्री पे थोङ्थान् शिनावातले स्वागत गरेकी छन् । त्यसक्रममा प्रधानमन्त्री ओलीले गार्ड अफ अनर निरीक्षण गरेका छन् ।

थाइल्यान्ड भ्रमणमा रहेका प्रधानमन्त्री ओली र समकक्षी शिनावातबीच द्विपक्षीय भेटवार्ता पनि भएको छ ।

थाइल्यान्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक)को छैटौं शिखर सम्मेलनमा भाग लिने क्रममा मंगलबार ओली थाइल्यान्डको बैंकक पुगेका थिए ।

थाइल्यान्डका प्रधानमन्त्री पे थोङ् थान् शिनावातको मैत्रीपूर्ण निमन्त्रणामा नेपालका प्रधानमन्त्रीबाट पहिलोपटक थाइल्यान्डको औपचारिक भ्रमण भएको हो ।

प्रतिक्रिया