भाटभटेनीका सहासिक सुरक्षा गार्ड पराजुलीलाई मीनबहादुरले दिए ५ लाख
कागजपत्र |
काठमाडौं — राजावादीको आन्दोलनका क्रममा भएको लुटपाटका क्रममा बहादुरीका साथ लुटेराहरुको प्रतिकार गरेका भाटभटेनी सुपरमार्केटका सुरक्षा गार्ड कृष्णप्रसाद पराजुली सम्मानित भएका छन् ।
पराजुलीलाई भाटभटेनीमा बुधबार आयोजित एक विशेष समारोहबीच भाटभटेनीका अध्यक्ष मीनबहादुर गुरुङले ५ लाख १ हजार १११ रुपैयाँ चेक हस्तान्तरण गर्दै पुरस्कारसहित सम्मान गरेका हुन् ।
सोही कार्यक्रममा भाटभटेनीले अर्का एक सुरक्षा गार्डलाई ५१ हजार रुपैयाँ सहित सम्मान गरेको छ । यसैगरी सोही बेला ड्युटीमा अर्का थप दुई जनालाई पनि २५ हजारका दरले सम्मान गरेको छ । यसैगरी कमर्चारीहरुलाई सम्मान गरिएको थियो ।
सुपरमार्केटमा तोडफोड तथा लुटपाट गरिरहेको समयमा कर्तव्य निर्वाह गर्दै अग्रपंंक्तिमा खटिएका कर्मचारी तथा व्यापारलाई निरन्तरता दिन रातभर मर्मत सम्भारमा लाग्न खटिएका कर्मचारीको मनोबल उच्च बनाउन सम्मान गरिएको सुपरमार्केटका सिइओ राजु पौडेलले बताए।
उक्त घटनाका क्रममा करिब ८० लाख रुपैयाँ बराबरको क्षति भएको कम्पनीले जनाएको छ । त्यसमध्ये ६४ लाख ८८ हजार बराबरको सामान लुटिएको बताइएको छ ।
