घिसिङ र शाक्यको रिटमा आज सुनुवाइ

काठमाडौं – सर्वोच्च अदालतमा नेपाल विद्युत् प्राधिकरणको कार्यकारी निर्देशकबाट हटाइएका कुलमान घिसिङ र नवनियुक्त हितेन्द्रदेव शाक्यको रिट निवेदनमा आज सुनुवाइ हुने भएको छ ।

न्यायाधीशद्वय कुमार चुडाल र नित्यानन्द पाण्डेयको संयुक्त इजलासले हिजो दुवैका रिटमाथि सुनुवाइ हुँदाहुँदै समय नभ्याएपछि हेर्दाहेर्दैमा राखिएको थियो ।

उक्त रिट निवेदनमा आज बुधबारका लागि सुनुवाइ हुने भएको हो ।

घिसिङ र शाक्यको रिटमा आइतबार पनि पेशी तोकिएको थियो तर सुनुवाइ हुन सकेको थिएन ।