मर्दी हिमाल चढेर फर्किएका गाइड लडेर बेपत्ता

पोखरा- मर्दी हिमाल आरोहण गरेर फर्कने क्रममा लडेर पर्यटक गाइड  बेपत्ता भएका छन् । नर्वेका नागरिकसँग हिमाल चढ्न सहयोगीका रुपमा गएका नुवाकोट काल्चेका ६२ वर्षीय लालबहादुर तामाङ बेपत्ता भएका हुन् ।

उनी आइतबार दिउँसो हिमाल आरोहण पूरा गरेर फर्कने क्रममा दिउँसो साढे २ बजे लडेर बेपत्ता भएको वडाध्यक्ष हरिबहादुर क्षेत्री (राजेन्द्र) ले बताए ।

हिमाल आरोही नर्वेका नागरिकले हाइक्याम्प आएर साँझ ८ बजे गाइड वेपत्ता भएको स्थानीय पर्यटन व्यवसायीलाई जानकारी गराएका थिए ।