जाजरकोटमा फोर्स गाडी दुर्घटना हुँदा १७ जना घाइते

जाजरकोट-  जाजरकोटमा फोर्स गाडी दुर्घटना हुँदा १७ जना घाइते भएका छन् । सोमबार  बिहान साढे ११ बजेतिर भएको दुर्घटनामा अहिलेसम्म १७ जना घाइते भएको विवरण आएको जिल्ला प्रहरी कार्यालय जाजरकोटका सूचना अधिकारी, प्रहरी निरीक्षक दिनेश तिमिल्सिनाले जानकारी दिए ।

बा ५ख १८९२ नम्बरको गाडी भेरी नगरपालिका–७ स्याउले बजारबाट नेपालगञ्जतर्फ जाँदै गरेकोमा  जाजरकोट–छिन्चु सडकअन्तर्गत कुदुमा दुर्घटना भएको हो ।

२१ जना सवार रहेको गाडीमा १७ जना घाइते भएको र उनीहरुको उद्दार गरी कुदुका स्थानीय स्वास्थ्य संस्थामा उपचार भइरहेको तिमिल्सिनाले बताए ।

गाडी सडकबाट ५० मिटर तल खसेको छ । घटनाबारे थप विवरण आउन बाँकी छ ।