तिहारमा लगाएको झिलिमिली बत्ती निकाल्दा करेन्ट लागेर किशोरको मृत्यु

दाङ-  तिहारको समयमा लगाएको झिलिमिली बत्ती निकाल्ने क्रममा करेन्ट लागेर दाङको तुलसीपुरका एक किशोरको मृत्यु भएको छ।

बुधबार बिहान तुलसीपुर उपमहानगरपालिका–१८ बिजौरीका १६ वर्षीय किशोर श्रेष्ठको मृत्यु भएको इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक प्रकाश थापाले बताए । उनलाई उपचारका लागि तुलसीपुरस्थित राप्ती प्रादेशिक अस्पताल पुर्‍याइएकाे थियाे । तर,  बिहान ११ बजेतिर चिकित्सकले मृत घोषणा गरेका थिए ।

घटनाबारे थप अनुसन्धान भइरहेको प्रहरीले बताएको छ ।