हेलिकप्टर दुर्घटनाप्रति कांग्रेसले गर्यो दुःख व्यक्त
कागजपत्र |
काठमाडौँ – नेपाली कांग्रेसले नुवाकोटको शिवपुरीमा भएको एयर डाइनेस्टीको हेलिकप्टर दुर्घटनामा चालकसहित पाँच जनाको मृत्यु भएकोमा दुःख व्यक्त गरेको छ ।
बुधवार पार्टी कार्यालय सानेपामा बसेको केन्द्रीय समिति बैठकले दुर्घटनाप्रति दुःख व्यक्त गरेको हो ।
दिउँसो काठमाडौँ विमानस्थलबाट रसुवाको स्याफ्रुबेसीका लागि उडेको हेलिकप्टर दुर्घटना भएको थियो । बैठकपछि प्रवक्ता डा।प्रकाश शरण महतले दुर्घटनामा ज्यान गुमाएकोप्रति दुःख व्यक्त गर्दै भने– ‘हेलिकप्टर दुर्घटनामा चालक दलका सदस्यसहित चार चिनियाँ नागरिकले ज्यान गुमाएकोमा पार्टीले दुःख व्यक्त गरेको छ। त्यस विषयमा पार्टीले शोक वक्तव्य निकाल्नेछ’, उनले भने ।
