हावाहुरीले धनगढीका ६५ विद्युतका पोल ढले
कागजपत्र |
कैलाली- हावाहुरीले कैलालीको धनगढीमा ६५ वटा विद्युतका पोलहरू ढलेका छन् ।
नेपाल विद्युत् प्राधिकरण, धनगढी वितरण केन्द्रका अनुसार बुधवार साँझको हावाहुरीले धनगढीमा ठुलो क्षति गरेको हो ।
धनगढी उपमहानगरपालिका–१०, ७, ८,१२,१८ र १९ नम्बर वडा क्षेत्रका विद्युतका पोल ढलेका छन् । पाेल ढलेपछि बुधवारदेखि धनगढी उपमहानगरपालिका क्षेत्रका तीन हजार बढी ग्राहकहरू प्रभावित भएका छन् ।
धनगढी वितरण केन्द्रका अनुसार मर्मतको काम जारी रहेको छ । शुक्रवार साँझसम्म मर्मतको काम पूरा हुने र विद्युत् सेवा सुचारु हुने बताइएकाे छ ।
