६ महिनादेखि हराइरहेका पुरूष पनौतीको जंगलमा मृत फेला
कागजपत्र |
काठमाडौं– ६ महिनादेखि बेपत्ता रहेका एक जना पुरूष मृत फेला परेका छन्।
बिहीबार दिउँसो काभ्रे पनौती नगरपालिका वडा नम्बर ५ चौकोट जंगलमा स्थानीयहरू उनको अस्थिपञ्जर फेला पारेका थिए । जिल्ला प्रहरी कार्यालय काभ्रेका डिएसपी राजकुमार श्रेष्ठका अनुसार शवको साथबाट फेला परेको घडी र मोबाइलको आधारको उनको पहिचान भएको हो ।
मोबाइल, लुगा र घडीमार्फत मृतक पनौती नगरपालिका–६ बस्ने ५२ वर्षीय रामशरण हुमागाईं भएको भन्ने आफन्तले पहिचान गरेका थिए।
घटनाबारे अनुसन्धान भइरहेको जिल्ला प्रहरी कार्यालय काभ्रेले जनाएको छ ।
