बालेन निवासमा गृहमन्त्री श्रेष्ठको ‘लञ्च मिटिङ’ !
कागजपत्र |
काठमाडौं – उपपप्रधान तथा गृहमन्त्री नारायणकाजी श्रेष्ठ र काठमाडौं महानगरपालिकाका प्रमुख बालेन्द्र (बालेन) शाहबीच लञ्चसहितको भेटघाट भएको छ । शनिवार बिहान बालेन निवास गैरीगाउँमा गृहमन्त्री श्रेष्ठ पुगेका थिए ।
बालेन पत्नी सबिना काफ्लेले एक फोटो सार्वजनिक गर्दै मन्त्री श्रेष्ठसँगको बिहानको खाना खाएको जानकारी गराएकी छिन् ।
केही महिनाअघि मेयर शाहले आफ्नी श्रीमती सबिना चढेको गाडी प्रहरीले रोकेको भन्दै सामाजिक सञ्जालमार्फत सरकारलाई ‘चोर’को उपमा दिँदै सिंहदरबार जलाइदिने धम्की दिएका थिए । सो धम्कीलाई लिएर कारबाही गर्नुपर्ने आवाज उठेपछि उनले आफ्नो भनाई सामाजिक सञ्जालबाट हटाएका थिए ।
सविनाले सार्वजनिक गरेको फोटोमा गृहमन्त्री श्रेष्ठकी स्वकीय सचिव सुशन कर्माचार्यले बालेनकी छोरी लिएकी छिन् ।
