बालुवाटारमा सत्ता गठबन्धनको ‘निर्णायक बैठक’ सुरु
कागजपत्र |
काठमाडाैं – सत्ता गठबन्धनका पाँच दलको बैठक सुरु भएको छ । आजको बैठकले अमेरिकी सहायता परियोजना एमसीसी संसदमा पेस गर्ने विषय टुङ्गो लगाउने अनुमान गरिएको छ ।
प्रधानमन्त्री निवास बालुवाटारमा सुरु भएको बैठकमा प्रधानमन्त्री तथा नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव लगायत शीर्ष नेताहरू सहभागी छन् ।
अमेरिकाले यही फागुन १६ गतेभित्र एमसीसी पास गर्न समय दिएकाले प्रधानमन्त्री देउवा तत्कालै संसदमा पेस गर्ने पक्षमा हुनुहुन्छ । तर माओवादी र एकीकृत समाजवादीले अहिले एमसीसी पेस गर्न नहुने बताएका छन् ।
माओवादी केन्द्रले बरु सरकारबाट बाहिरिने तर अहिलेकै अवस्थामा एमसीसी पास गर्न नसकिने निर्णय गरिसकेको छ । आजको छलफलपछि सत्ता गठबन्धनको भविष्य पनि तय हुनेछ ।
