सभामुखले बोलाए कार्यव्यवस्था परामर्श समितिको बैठक

काठमाडौं – प्रतिनिधिसभाको बैठकको विषयमा छलफल गर्न सभामुख अग्निप्रसाद सापकोटाले कार्यव्यवस्था परामर्श समितिको बैठक बोलाएका छन् ।

सभामुख सापकोटाले बुधबार बस्ने प्रतिनिधिसभाको बैठकका विषयमा छलफल गर्ने कार्यव्यवस्था परामर्श समितिको बैठक बोलाएका हुन् । बैठक बुधबार दिउँसो साढे ११ बजे बोलाइएको सभामुखको सचिवालयले जनाएको छ ।

बुधबारको बैठकमा प्रधानमन्त्री शेरबहादुर देउवाले थारु आयोगको आर्थिक वर्ष २०७७÷०७८ को वार्षिक प्रतिवेदन पेश गर्ने र संविधानसभाका सदस्य जगतबहादुर ताजपुरियाको निधनमा शोकप्रस्ताव पारित गर्ने सम्भावित कार्यसूची तयार गरेको छ ।