कैलालीमा घर झगडाको क्रममा श्रीमतीको हत्या, श्रीमान् फरार
कागजपत्र |
कैलाली – कैलालीमा गएराती घर झगडाको क्रममा एक श्रीमानले श्रीमतीको हत्या गरेका छन् ।
गोदावरी नगरपालिका वडा नं ९ स्थित बल्मीका स्थानिय ४२ वर्षका परशुराम रोक्कामगरले ४० वर्षकी श्रीमती भावना रोक्कामगरको हत्या गरेको जिल्ला प्रहरी कार्यालय कैलालीले जनाएको छ ।
श्रीमतीको हत्या गरेर उनी फरार भएको जिल्ला प्रहरी कार्यालय कैलालीले बताएको छ ।
घर झगडाकै बेला रोकामगरले आफ्नी श्रीमतीलाई कुटपिट गरी हत्या गरेको प्रारम्भिक अनुसन्धानवाट खुलेको प्रहरीले जनाएको छ । फरार अभियुक्तको खोजी भइरहेको प्रहरीले जनाएको छ ।
