महेश आचार्यद्वारा कांग्रेस उपसभापतिमा उम्मेदवारी घोषणा
कागजपत्र |
विराटनगर – कांग्रेस नेता महेश आचार्यले आसन्न महाधिवेशनका लागि उपसभापतिमा उम्मेदवारी घोषणा गरेका छन् । प्रदेश अधिवेशनका लागि विराटनगर आएका आचार्यले शनिबार पत्रकार सम्मेलन गर्दै कांग्रेसको विधान, नीति र प्रशिक्षणहरूको नेतृत्व गर्न आफू उपसभापति पदमा उम्मेदवारी दिन लागेको बताए।
उक्त अवसरमा आचार्यले कांग्रेस वैचारिक हिसाबले विचारशून्य बन्दै गएको, सैद्धान्तिक–वैचारिक छलफल हुन छोडेको बताए।
‘पार्टीमा प्रदूषित निर्वाचन प्रणाली मात्र हावी भयो, सैद्धान्तिम(वैचारिक छलफल हुन छोड्यो,’ पूर्वमन्त्री आचार्यले भने।
उनले त्यस्तो वैचारिक हिसाबले कांग्रेसलाई अगाडि बढाउने सभापति को? भन्ने प्रश्नमा भने, ‘सभापति जो भए पनि म उहाँलाई कन्भिन्स गरेर अघि बढ्छु।’
