‘नो भ्याक्सिन, नो एक्जाम’ भन्दै पद्मकन्या क्याम्पसमा प्रदर्शन
कागजपत्र |
काठमाडौं – बागबजारस्थित पद्मकन्या क्याम्पसमा त्रिविको परीक्षा परीक्षा रोक्न माग गर्दै प्रदर्शन गरेका छन् ।
मंगलबार ‘नो भ्याक्सिन, नो एक्जाम’ भन्दै नाराबाजी सहित प्रदर्शन गरिरहेका ६ जनालाई नियन्त्रणमा लिएको काठमाडौं प्रहरी प्रमुख अशोक सिंहले जानकारी दिए । नियन्त्रणमा लिएका उनीहरुलाई नगर प्रहरी भृकुटीमण्डपमा राखिएको छ ।
परीक्षामा धेरै भीडभाड ने भन्दै विद्यार्थीहरुले पद्मकन्या क्याम्पस अगाडि प्रदर्शन गर्दै परीक्षा रोक्न माग गरेका हुन् । उनीहरुमध्ये केहीले कलेजको बाहिर प्रदर्शन गरेका छन् भने केहीले कलेज परिसरभित्र पुगेरै प्रदर्शन गरेका छन् ।
पद्मकन्या कलेजमा विभिन्न १८ वटा कलेजका सिफ्ट अनुसार परीक्षा तोकिएको छ । यसअघि त्रिभुवन विश्वविद्यालयले परीक्षाको तालिका आइसकेको भदौ ५ गतेसम्मको परीक्षा स्थगित नगर्ने भन्दै यथावतमै सञ्चालन गर्ने निर्णय गरेको थियो ।
