एक डोज मात्र लगाए पुग्ने खोप नेपाललाई अमेरिकाकाे उपहार
कागजपत्र |
काठमाडौं – कोभ्याक्स संयन्त्रमार्फत अमेरिकाले नेपाललाई अनुदानमा उपलब्ध गराउन लागेको १५ लाख डोज जोन्सन एन्ड जोन्सन खोप सोमबार बिहान काठमाडौं आइपुग्ने भएको छ ।
एक डोज मात्र लगाए पुग्ने जोन्सन एन्ड जोन्सन खोपलाई अमेरिकाले उपहारमा दिन लागेको जनाइएको छ ।
प्रधानमन्त्रीका परराष्ट्र मामिला सल्लाहकार राजन भटट्राईले यस्तो जानकारी दिएका हुन् ।
गत महीना अमेरिकी राष्ट्रपति जो बाइडेनले नेपालसहितका मुलुकलाई पहिलो चरणमा ८० मिलियन डोज खोप कोभ्याक्समार्फत उपलब्ध गराउने घोषणा गरेका थिए ।
