![](https://kagajpatra.com/wp-content/uploads/2024/09/Abhiyandaily-1200X100.gif)
![](https://kagajpatra.com/wp-content/uploads/2024/01/kshamadevi.gif)
बाँकेमा कोरोनाबाट एकैदिन चारको मृत्यु, बुटवलमा एकको मृत्यु
![](https://kagajpatra.com/wp-content/uploads/2020/10/covid.jpg)
बाँके- पछिल्लो २४ घण्टामा बाँके र रुपन्देहीमा गरी पाँच जना कोरोना संक्रमितको मृत्यु भएको छ । मृत्यु हुनेमा बाँकेका ४ जना र रुपन्देहीका एकजना हुन् ।
भेरी अस्पताल नेपालगन्जमा उपचाररत दुई महिला र दुई पुरुषको उपचारको क्रममा मृत्यु भएको हो ।
नेपालगन्ज–२ की ७५ वर्षीया महिलाको शुक्रबार साँझ ६ः१५ बजे मृत्यु भएको हो । यस्तै नेपालगन्ज–५ का ८६ वर्षीय पुरुषको साँझ ७ बजे र नेपालगन्ज त्रिभुवन चोक ठेगाना भएका ३५ वर्षीय पुरुषको गएराति ९ः३० बजे मृत्यु भएको स्वास्थ्य कार्यालय बाँकेका कोरोना फोकल पर्सन तेज ओलीले बताए ।
यस्तै नेपालगन्ज–१० की ६१ वर्षीया महिलाको पनि गएराति मृत्यु भएको जनाइएको छ ।
त्यस्तै रुपन्देहीको बुटवल उपमहानगरपालिका–११ का ३६ वर्षीय कोरोना संक्रमित पुरुषको पनि उपचारको क्रममा मृत्यु भएको छ । चैत ३० गते कोरोना संक्रमण पुष्टि भएका पुरुष वैशाख ३ गते बुटवल धागो कारखानामा सञ्चालित कोरोना विशेष अस्पताल भर्ना भएका थिए ।
![](https://kagajpatra.com/wp-content/uploads/2024/08/Digital-Fraud-800X200-px.gif)
![](https://kagajpatra.com/wp-content/uploads/2023/08/small-V.gif)