तोलामा १ हजार ४०० रुपैयाँले घट्यो सुनको मूल्य, कतिमा भइरहेको छ कारोबार ?

काठमाडौं– स्थानीय बजारमा आज सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा १ हजार ४०० रुपैयाँ र चाँदी १५ रुपैयाँले घटेको हो ।

महासङ्घका अनुसार आज सुनको मूल्य प्रतितोला २ लाख ८२ हजार ४०० रुपैयाँ र चाँदी ४ हजार ३१० रुपैयाँमा कारोबार भइरहेको छ ।

हिजो सुन प्रतितोला दुई लाख ८३ हजार ८०० र त्यति नै परिमाणको चाँदी चार हजार ३२५ रुपैयाँमा कारोबार भएको थियो ।