देउवाले आफूनिकट नेताहरूलाई छलफलमा बोलाए

काठमाडौं  –  नेपाली कांग्रेसका सभापति शेरबहादुर देउवाले आफू निकट नेताहरूलाई छलफलका लागि बोलाएका छन्। पार्टीभित्र जारी राजनीतिक घटनाक्रम र विशेष महाधिवेशनको सन्दर्भमा छलफल गर्न सभापति देउवाले दिउँसो ३ बजेका लागि बैठक आह्वान गरेको एक केन्द्रीय सदस्यले जानकारी दिएका छन्।

यसअघि सभापति देउवाले आफूनिकट कानुनी पृष्ठभूमि भएका नेता तथा कानुन व्यवसायीसँग समेत छलफल गरेका थिए। विशेष महाधिवेशनको वैधानिकता र पार्टीको आगामी रणनीतिका विषयमा कानुनी परामर्श लिएको बुझिएको छ।

सभापति देउवाको असहमतिकै बीच नेपाली कांग्रेसको विशेष महाधिवेशन हाल जारी छ। महाधिवेशनको बन्दसत्रमा पार्टीका दुई महामन्त्रीले छुट्टाछुट्टै प्रतिवेदन पेश गरेका छन्।