जवाङ खोलामा पहिरो, मुग्लिङ–काठमाडौं यातायात पूर्ण अवरुद्ध

काठमाडौं — लगातारको वर्षासँगै जवाङ खोलमा आएको पहिरोका कारण मुग्लिङ–काठमाडौं यातायात अवरुद्ध भएको छ ।

शनिबार बिहानै आएको पृथ्वीराजमार्गस्थित धादिङको जवाङ खोलामा पहिरो खसेपछि यातायात पूर्ण अवरुद्ध भएको जनाइएको छ ।

प्रहरीका अनुसार अवरुद्ध सडक खुलाउने प्रयास केही बेरमा गरिने तयारी गरिए पनि लगातारको वर्षाका कारण पहिरो पन्छाउन कठिन भइरहेको जनाइएको छ ।

त्यसैगरी तुइन खोलामा ढुंगा खस्दा सडक एकतर्फी भएको पनि जनाइएको छ ।