प्रधानमन्त्री ओली आज जनकपुर जाँदै
कागजपत्र |
काठमाडौं – प्रधानमन्त्री केपी शर्मा ओली आज मधेस प्रदेशको राजधानी जनकपुरधाम जाँदैछन् ।
साढे २३ करोडभन्दा बढीको लागतमा नवनिर्मित मधेस प्रदेश प्रहरी कार्यालयको नयाँ प्रशासनिक भवन उद्घाटन गर्न प्रधानमन्त्री ओली जनकपुरधाम जान लागेका हुन् ।
मधेस प्रदेश प्रहरी कार्यालयका अनुसार प्रधानमन्त्री ओली शुक्रबार बिहान साढे ११ बजे हेलिकप्टरमार्फत जनकपुरधाम आइपुग्ने कार्यतालिका रहेको छ ।
प्रहरीको नयाँ भवन उद्घाटनपछि उनी जनकपुरधाम र महोत्तरीमा सडक उद्घाटन गर्ने कार्यक्रममा सहभागी हुने प्रदेश प्रहरी कार्यालयले जनाएको छ।
