विजोग कञ्चनपुर : १८ सय जना पूर्णरुपमा विस्थापित, गाउँ-गाउँमा बाढी पस्यो
तत्काल राहतका लागि वडासँग समन्वय गर्दैछौं : एसपी जोशी
कागजपत्र |
कञ्चनपुर– निरन्तर वर्षाका कारण कञचनपुरको जनजीवन प्रभावित भएको छ ।
साना तथा ठुला खोलाको बाढी दर्जनौं गाउँवस्तीमा पसेको छ ।
चौधर नदी,जोगबुढा नदी,गोवरैया नाला लगायत दर्जनौं साना ठुला खोला वस्ती पसेको जिल्ला प्रहरी कार्यालय कञ्चनपुरका एसपी चक्रराज जोशीले जानकारी दिए ।
उनका अनुसार हालसम्म ५११ परिवारका १७ सय ३८ जना पूर्णरुपमा विस्थापित भएका छन् ।
उनीहरुका लागि तत्काल राहतको प्रबन्धको लागि वडा कार्यालयहरुसँग आवश्यक समन्वय भइरहेको छ ।
विस्थापितहरुलाई विभिन्न स्थानमा राखिएको छ ।
उनका अनुसार सदरमुकाम महेन्द्रनगर जलमग्न छ ।
भीमदत्तनगरपालिका,दोधारा चाँदनी नगरपालिका, बेलौरी नगरपालिका,पुनर्वास नगरपालिका लगायतका क्षेत्र भारी वर्षाका कारण डुबानमा परेका छन् ।
