फास्ट एण्ड फ्युरियस सिरिज बन्द
कागजपत्र |
लसएन्जल्स(एजेन्सी)–हलिउड चर्चित सिरिज ‘फास्ट एण्ड फ्यूरियस’ को फ्यानका लागि एउटा दुःखको खबर छ । युनिभर्सल पिक्चर्सले बुधबार यो सिरिजलाई बन्द गर्ने निर्णय लिएको छ ।
समाचार अनुसार यो सिरिज ११ औं फिल्म पछि सकिनेछ । यो सिरिजको अन्तिम दुई भागको हिस्सा जस्टिन लिन बन्नेछन् । ‘फास्ट एण्ड फ्यूरियस ९’ कोरोना भाइरसका कारण आगामी वर्ष रिलिज हुँदैछ । जस्टिनले हालस्म्म यो फिल्मको चारवटा सिरिजको निर्देशन गरिसकेका छन् ।
लिनले यसअघि ‘फास्ट एण्ड फ्यूरियसः ‘टोक्यो ड्रिफ्ट’, ‘फास्ट एण्ड फ्यूरियस (५)’ र ‘फास्ट एण्ड फ्यूरियस ६’ पनि निर्देशन गरिसकेका छन् । ‘फास्ट एण्ड फ्यूरियस’ फ्रेन्चाइजीको पछिल्लो फिल्मले बक्स अफिसमा धमाल मच्चाएको थियो ।
यो फिल्ममा विन डीजल, मिशेल रोड्रिग्ज, जोरदाना ब्रुस्टर, टाइरिस गिब्सन र लुडाक्रिस छन् ।
