यो देशको प्रधानमन्त्री यही देशका जनताले बनाउने हो विदेशीले होइन : रवि लामिछाने

काठमाडौँ – राष्ट्रिय स्वतन्त्र पार्टीका सभापति रवि लामिछानेले भारतले प्रधानमन्त्री भएको भन्ने प्रधानमन्त्रीको अभिव्यक्तिप्रति कडा आपत्ति जनाएका छन् ।

काठमाडौंमा आयोजित एक कार्यक्रममा उनले, प्रधानमन्त्रीले दिएको अभिव्यक्ति गैर जिम्मेवारीपूर्ण भएको र त्यसबारे सदनमा आएर जवाफ दिनु पर्ने समेत बताए ।

उनले भने ‘ प्रधानमन्त्रीले त्यस्तो गैर जिम्मेवारीपूर्ण अभिव्यक्ति दिनुभयो ।’ उनले भने नेपाली जनताले निर्वाचित गरेर पठाएको, नेपाली जनताले प्रधानमन्त्री बनाएको। हाम्रो हस्ताक्षर छ । भारतले प्रधानमन्त्री बनायो । कोही अमुक व्यक्ति प्रधानमन्त्री बनाउन हिँड्यो भन्ने अभिव्यक्ति दिँदा हामीले प्रधानमन्त्रीको जवाफ माग्न मिल्दैन ? माग्छौँ हामी जवाफ । त्यसपछि संसद चल्न दिन्छौँ । ’

सभामुखले रास्वपालाई बोल्न नदिएको भन्दै आक्रोश पोखे । अमुक भ्रष्टाचारको जरो उखाल्नु आफ्नो पार्टीको मुख्य लक्ष्य भएको बताएका छन्। उनले भने ‘बालकोटमा पुस १० गते सम्झौता हुँदा नै न्यूनतम साझा कार्यक्रमका आधारमा सरकारका जाने निर्णय भएको हो । ’ उप सभामुख भने आफ्नो पार्टीले पाउनु पर्ने माग भने आफूहरूले राखेको उनको भनाई छ ।

त्यस्तै आफ्नो पार्टीलाई विचारविहीन पार्टी भनिएको भन्दै उनले भने ‘हामीसँग विचार र सिद्धान्त छैन भनेर भन्नेहरूलाई सुनिरहेका छौ र दुई वटा कानको प्रयोग पनि गरिरहेका छौ ।