२०० मिटर दौडमा शिवराज र निशालाई स्वर्ण
कागजपत्र |
पोखरा – नवौं राष्ट्रिय खेलकुदअन्तर्गतको एथलेटिक्सको २०० मिटर दौडमा सशस्त्रका शिवराज पार्की र लुम्बिनीकी निशा चौधरीले स्वर्ण पदक जितेका छन् ।
बिहीबार पुरुषतर्फ शिवले निर्धारित दुरी २१.९१ सेकेन्डमा पूरा गर्दै स्वर्ण जितेका हुन् ।
पोखरा रंगशालामा एपीएफकै आशिष चौधरीले २२.०५ सेकेन्डको समय निकाल्दै रजत जिते । कास्य जितेका आर्मीका युवराज बिकले २२.५० सेकेन्डको समय निकाले । महिलातर्फ लुम्बिनीकी निशाले २५.२४ सेकेन्डमा पूरा गर्दै स्वर्ण जितेकी हुन् ।
एपीएफकी रमिता कुमारी थारुले २५.९५ सेकेन्डको समय निकाल्दै रजत हात पारिन् । पुलिसकी लक्ष्मी साउदले २६.५२ सेकेन्डको समय निकाल्दै कास्य पदक जितेकी छिन् ।
